ദില്ലി : ലോക്‌സഭാ, നിയമസഭാ തെരഞ്ഞെടുപ്പുകളിലെ മോശം പ്രകടനത്തിന് പിന്നാലെ ഒഡിഷയിലെ കോണ്‍ഗ്രസ് സംസ്ഥാന കമ്മിറ്റി പാർട്ടി പിരിച്ചുവിട്ടു. കോണ്‍ഗ്രസ് അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെയാണ് ഒഡിഷയിലെ കോണ്‍ഗ്രസ് കമ്മിറ്റികളുടെ സമ്പൂര്‍ണ പിരിച്ചുവിടലിന് അംഗീകാരം നല്‍കിയത്. കോണ്‍ഗ്രസ് പ്രദേശ് കമ്മറ്റി, ജില്ലാ, ബ്ലോക്ക്, മണ്ഡലം കമറ്റികളാണ് പിരിച്ചുവിട്ടത്. പുതിയ അദ്ധ്യക്ഷന്മാരെ നിയമിക്കുന്നതുവരെ നിലവിലെ പ്രസിഡന്റുമാര്‍ ആക്ടിംഗ് പ്രസിഡന്റുമാരായി തുടരുമെന്നും ഖാര്‍ഗെ അറിയിച്ചു.
ഒഡീഷ നിയമസഭാ തെരഞ്ഞെടുപ്പിൽ 147 സീറ്റിൽ മത്സരിച്ച കോൺഗ്രസിന് 14 സീറ്റുകളിൽ മാത്രമാണ് വിജയിക്കാനായത്. 78 സീറ്റ് നേടി ബി.ജെ.പി കാൽ നൂറ്റാണ്ടിലധികമായി സംസ്ഥാനം ഭരിക്കുന്ന ബി.ജെ.ഡിയിൽ നിന്ന് ഭരണം പിടിച്ചെടുത്തിരുന്നു. ലോക്‌സഭാ തെരഞ്ഞെടുപ്പിൽ 20 സീറ്റിൽ മത്സരിച്ച കോൺഗ്രസിന് ഒരു സീറ്റ് മാത്രമാണ് നേടാനായത്
