തിരുവനന്തപുരം: തമ്പാനൂരില്‍ സ്ഥിതി ചെയ്യുന്ന ആര്യാ നിവാസ് ഹോട്ടലിലും ഭക്ഷണത്തിന് ഈടാക്കുന്നത് അമിത വിലയെന്ന് വിമര്‍ശനം. ജി എസ് ടി ഇല്ലാതെ ഒരു കോഫിക്ക് 31 രൂപയും, 2 ഇഡ്ഡലി നികുതി ഇല്ലാതെ 47.62
വടയ്ക്ക് നികുതിയില്ലാതെ 28.57 പൈസയുമാണ് വില.
എന്നാൽ, തലസ്ഥാനത്തെ തന്നെ മറ്റൊരു പ്രമുഖ ഹോട്ടലായ പാളയത്തെ ഹോട്ടൽ അരുണയിൽ 2 ഇഡലിക്ക് നികുതി അടക്കം 30 രൂപ, 1 വടക്ക് നികുതി അടക്കം 15 രൂപ, 1 കോഫി നികുതി ഉൾപ്പെടെ 20 രൂപ എന്നിങ്ങനെയാണ് വില വിവരം.
ഈ രണ്ടു ഹോട്ടലിൽ നിന്നും ആഹാരം കഴിച്ച മോഹന ചന്ദ്രൻ നായർ ആഹാരത്തിന്റെ ബില്ല് സോഷ്യൽമീഡിയയിൽ പങ്കുവെച്ചതോടെയാണ് ആര്യാ നിവാസിന്റെ അമിതവില വീണ്ടും ചർച്ചയാകുന്നത്.
സാധാരണക്കാര്‍ എത്തുന്ന ആര്യനിവാസിലെ ഈ അമിത വില കൊള്ളയാണെന്നാണ് ഉപഭോക്തക്കള്‍ പറയുന്നത്. ഭക്ഷണത്തിനു വില നിര്‍ണ്ണയിക്കേണ്ടത് ആരാണ്? തോന്നുന്ന പോലെ വില ഈടാക്കാന്‍ ഇവര്‍ക്ക് അനുവാദവും അധികാരവും കൊടുത്തത് ആരാണെന്നുമാണ് ബില്ല് പ്രചരിച്ചതോടെ ഹോട്ടലിനെതിരെ വിമർശനം ഉയരുന്നത്.
