മുംബൈ: ഭാര്യ വൃത്തിയില്ലാതെ നടക്കുന്നതിൽ മനം നൊന്ത് ഭർത്താവ് ആത്മഹത്യ ചെയ്തു. മഹാരാഷ്ട്രയിലെ ഔറംഗബാദിലാണ് സംഭവം നടന്നത്. 24 വയസ്സുകാരനായ ഇയാള് ഔറംഗാബാദിലെ വീട്ടില് തൂങ്ങി മരിക്കുകയായിരുന്നവെന്ന് പൊലീസ് പറഞ്ഞു.
ഭാര്യയ്ക്ക് നന്നായി സാരിയുടുക്കാനും വൃത്തിയില് നടക്കാനും നല്ല രീതിയില് സംസാരിക്കാനും കഴിയില്ലെന്ന വിഷമത്തിലായിരുന്നു യുവാവ്. ഇക്കാരണത്താലാണ് താന് ആത്മഹത്യ ചെയ്യുന്നതെന്ന് ആത്മഹത്യാക്കുറിപ്പില് ഇദ്ദേഹം വ്യക്തമാക്കുകയും ചെയ്തിട്ടുണ്ട്.
ആറു മാസങ്ങള്ക്കു മുന്നെയായിരുന്നു ഇവരുടെ വിവാഹം കഴിഞ്ഞത്. യുവാവിനേക്കാള് ആറു വയസ്സിനു മൂത്തതാണ് ഭാര്യ. സംഭവത്തെ കുറിച്ചുള്ള അന്വേഷണം നടന്നു വരികയാണെന്ന് പോലീസ് വ്യക്തമാക്കി.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. Toll free helpline number: 1056, 0471-2552056)
