ഹൈദരാബാദ്: ആഫ്രിക്കന് സിംഹങ്ങള് വസിക്കുന്ന സ്ഥലത്ത് കുടുങ്ങിയ യുവാവിനെ അത്ഭുതകരമായി രക്ഷപെടുത്തി. ഹൈദരബാദിലെ നെഹ്റു സുവോളജിക്കല് പാര്ക്കിലാണ് സംഭവം. ജി സായ് കുമാര് എന്ന് യുവാവിനെയാണ് നെഹ്റു സുവോളജിക്കല് പാര്ക്ക് ജീവനക്കാര് രക്ഷിച്ചത്. ഇന്നലെ ഉച്ചയോടെയായിരുന്നു സംഭവം. ജീവനും മരണത്തിനുമിടയിലെ ഞെട്ടിക്കുന്ന ദൃശ്യങ്ങള് പുറത്തുവന്നു.
ഇയാള്ക്കെതിരെ അധികൃതര് പൊലീസില് പരാതിയും നല്കി. ജി സായികുമാര് എന്ന യുവാവാണ് അധികൃതരുടെ കണ്ണുവെട്ടിച്ച് സിംഹക്കൂടിന് മുകളില് കയറി താഴേക്ക് ചാടാന് ഒരുങ്ങിയത്. സിംഹത്തെ പാര്പ്പിച്ചിരിക്കുന്നതിന് സമീപം ഒരു പാറയുടെ മുകളില് യുവാവ് ഇരിക്കുന്നത് വീഡിയോയില് കാണാം. ഇത് ശ്രദ്ധിച്ച സിംഹം പാറയുടെ താഴെ നിന്ന് യുവാവിനെ നോക്കുന്നുണ്ട്.ആളുകൾ യുവാവിനോട് ആക്രോശിക്കുന്നതും സൂക്ഷിക്കാൻ പറയുന്നതും സഹായത്തിനായി വിളിക്കുന്നതും കേൾക്കാം. അതേസമയം യുവാവിന് മാനസികമായ വെല്ലുവിളികള് ഉണ്ടെന്നാണ് പൊലീസ് പറയുന്നത്.