മൂന്നാര്‍: ഇടമലക്കുടിയില്‍ കാട്ടാന ഇറങ്ങി. മധ്യവയസ്‌ക്കനെ ആക്രമിച്ചു. വളയാംപാറ കുടിയിലെ വേണുഗോപാല്‍ (50) ആണ് കാട്ടാനയുടെ ആക്രമണത്തില്‍ മരിച്ചത്. ഇന്നലെ വൈകിട്ട് വേണുഗോപാലിന്റെ വീടിന്റെ അടുത്തു വച്ചാണ് കാട്ടാന ആക്രമിച്ചത്. ഇത് ആദ്യത്തെ സംഭവമല്ല കാട്ടാന ആക്രമണത്തിൽ ഇടമലകുടിയിൽ മരണം സംഭവിക്കുന്നത്. മൂന്നാര്‍ പോലീസും, ഫോറസ്റ്റ് ഉദ്യോഗസ്ഥരും സ്ഥലത്തെത്തി തുടർനടപടി സ്വീകരിച്ചു.
മൂന്നാര്‍ – സൈലെന്റ്‌വാലി റോഡില്‍ കഴിഞ്ഞ ദിവസം ഓട്ടോ ഡ്രൈവറെ കാട്ടാന തുമ്പി കൈ ഉപയോഗിച്ച് ഓട്ടോയില്‍ നിന്നും വലിച്ചെറിഞ്ഞിരുന്നു. സംഭവത്തില്‍ ഗുരുതരമായി പരിക്കേറ്റ യുവാവ് തമിഴ്നാട് ആശുപത്രിയില്‍ ചികില്‍സയിലാണ്.
