Saturday, May 18, 2024
spot_img

സമ്മര്‍ദ്ദങ്ങള്‍ക്കൊടുവില്‍ ഇമാമിനെതിരെ കേസ്; വിതുര പോലീസ് കേസെടുത്തത് പോക്സോ നിയമപ്രകാരം

തിരുവനന്തപുരം: സമ്മര്‍ദ്ദങ്ങള്‍ക്കൊടുവില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചതിന് തലസ്ഥാനത്ത് തൊളിക്കോട് ജമാഅത്തിലെ മുന്‍ ഇമാം ഷെഫീക്ക് അല്‍ ഖാസിമിക്കെതിരെ പോലീസ് കേസെടുത്തു. പോക്സോ നിയമപ്രകാരം വിതുര പൊലീസ് ആണ് ഇമാമിനെതിരെ കേസെടുത്തത്. ഇമാമിനെതിരെ ആരോപണം ഉയര്‍ന്നെങ്കിലും പെണ്‍കുട്ടി പരാതി നല്‍കിയില്ലെന്ന് ചൂണ്ടിക്കാണിച്ച് പോലീസ് ആദ്യം കേസ് എടുത്തിരുന്നില്ല. എന്നാല്‍ തൊളിക്കോട് ജമാ അത്തില്‍നിന്ന് ഷെഫീഖ് അല്‍ ഖാസിമിയെ പുറത്താക്കിയതോടെ പരാതി ശക്തമായി. പെണ്‍കുട്ടി പരാതി നല്‍കാന്‍ തയ്യാറാകാത്തതിനാല്‍ പള്ളി കമ്മിറ്റി പ്രസിഡന്‍റ് ബാദുഷയുടെ പരാതിയിലാണ് കേസ് രജിസ്റ്റര്‍ ചെയ്തതത്. കഴിഞ്ഞ ബുധനാഴ്ചയാണ് ഇമാം പെണ്‍കുട്ടിയെ പീഡിപ്പിക്കാനായി വനത്തിലെത്തിച്ചത്.

ബാദുഷയുടെ മൊഴിയുടെ അടിസ്ഥാനത്തിലാണ് കേസ്. അതേസമയം, മുന്‍കൂര്‍ ജാമ്യാപേക്ഷയുമായി ഷെഫീക്ക് അല്‍ ഖാസിമി ഹൈക്കോടതിയെ സമീപിച്ചിരിക്കുകയാണ്.

Related Articles

Latest Articles