ദുബായ്: ടി20 ലോകകപ്പില്‍ നടക്കുന്ന നിര്‍ണ്ണായക മത്സരത്തില്‍ ഇന്ത്യ ഇന്ന് ന്യൂസീലന്‍ഡിനെ നേരിടും. ദുബായില്‍ വൈകിട്ട് ഏഴരയ്ക്കാണ് മത്സരം. ഇന്ത്യക്കും ന്യൂസീലന്‍ഡിനും ജയം ഒരുപോലെ പ്രധാനപ്പെട്ടതാണ്.
ടി20 ലോകകപ്പില്‍ ഇതുവരെ രണ്ട് കവണയാണ് ഇന്ത്യയും ന്യൂസിലന്‍ഡും പരസ്പരം ഏറ്റുമുട്ടിയത്. അതില്‍ രണ്ടിലും വിജയം കിവീസിനൊപ്പമായിരുന്നു. പാകിസ്താനോട് 10 വിക്കറ്റിന് തോറ്റ ഇന്ത്യ ന്യൂസീലന്‍ഡിനോട് ടീമില്‍ മാറ്റങ്ങളുമായി ഇറങ്ങാനാണ് സാധ്യത. പാണ്ഡ്യ നെറ്റ്സില് പന്തെറിയാന്‍ തുടങ്ങിയതിനാല്‍ ന്യൂസീലന്‍ഡിനെതിരെ നിലനിര്‍ത്താനാണ് സാധ്യത. ഇന്ന് തോല്‍ക്കുന്നവര്‍ക്ക് സെമി പ്രതീക്ഷകള്‍ അവസാനിപ്പിക്കാം. നെറ്റ്സില് പന്തെറിയാന്‍ ആരംഭിച്ച ഹര്‍ദിക്ക് ന്യൂസീലന്‍ഡിനെതിരേ പന്തെറിഞ്ഞേക്കുമെന്നാണ് സൂചന. അങ്ങനെയാണെങ്കില്‍ ആറാം ബൗളറെക്കൂടി ഇന്ത്യക്ക ലഭിക്കും. അതിനാല്‍ ഹര്‍ദിക്കിനെ ഇന്ത്യ ടീമില്‍ നിന്ന് മാറ്റിനിര്‍ത്തിയേക്കില്ല.
