തവാംഗ്: ലോകത്തിലെ ഏറ്റവും ഉയരത്തിലുള്ള തുരങ്ക പാതയുമായി ഇന്ത്യ. അരുണാചല് പ്രദേശിലെ തവാംഗ് ജില്ലയിലെ സെലാ പാസ്സിന് അടുത്താണ് തുരങ്കം നിര്മ്മിക്കുന്നത്. തുരങ്ക പാതയുടെ നിര്മ്മാണം ഇതിനോടകം തന്നെ ആരംഭിച്ചു കഴിഞ്ഞു. ബോര്ഡര് റോഡ് ഓര്ഗനൈസേഷനാണ് തുരങ്കം നിര്മ്മിക്കുന്നത്. സമുദ്രനിരപ്പില് നിന്ന് 13,800 അടി ഉയരത്തിലാണ് പാതയുടെ നിര്മ്മാണം. പണി പൂര്ത്തിയായാല് സൈനികര്ക്ക് നിയന്ത്രണ രേഖയിലേക്ക് എത്താനുള്ള സമയം ഒരു മണിക്കൂര് കുറയുമെന്നതാണ് പ്രധാന നേട്ടം.
അതേസമയം തുരങ്ക പാതയുടെ നിര്മ്മാണം 2022ല് നിര്മ്മാണം പൂര്ത്തിയാക്കുമെന്ന് അധികൃതര് പറഞ്ഞു. കഴിഞ്ഞ ഒക്ടോബറില് സമുദ്രനിരപ്പില് നിന്ന് 10,000 അടി ഉയരത്തിലെ ഏറ്റവും വലിയ തുരങ്ക പാതയായ അടല് ടണല് പ്രധാനമന്ത്രി നരേന്ദ്ര മോദി രാജ്യത്തിന് സമര്പ്പിച്ചിരുന്നു. ഇതിനു പിന്നാലെയാണ് ഏറെ നേട്ടങ്ങളുളള പുതിയ തുരംഗത്തിന്റെ നിര്മ്മാണം ആരംഭിച്ചത്.