ദില്ലി: ഡോക്ടര്മാരും, ആരോഗ്യ പ്രവര്ത്തകരും ഉള്പ്പടെ കൊവിഡ് പ്രതിരോധത്തിന്റെ മുന്നണി പോരാളികള്ക്കായിരിക്കും കൊവിഡ് വാക്സിന്റെ ആദ്യം ഡോസ് നല്കുന്നത്. കേന്ദ്ര ആരോഗ്യമന്ത്രാലയമാണ് രാജ്യത്ത് കൊവിഡ് വാക്സിന്റെ ആദ്യഘട്ടം വാക്സിന് നല്കാനുള്ള മൂന്ന് കോടി ആളുകളുടെ പട്ടിക തയ്യാറാക്കിയത്.
അതേസമയം എല്ലാ പൗരന്മാര്ക്കും വാക്സിന് എത്തിക്കാനുള്ള നടപടികള് സജ്ജമാണെന്ന് പ്രധാനമന്ത്രി വ്യക്തമാക്കിയിരുന്നു. ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകര്, കേന്ദ്ര സംസ്ഥാന പൊലീസ് സേന, ഹോം ഗാര്ഡ്, സായുധ സേന, മുന്സിപ്പല് തൊഴിലാളികള്, ആശ വര്ക്കര്മാര്, ശുചീകരണ തൊഴിലാളികള്, ഡ്രൈവര്മാര് എന്നിവരാണ് മുന്ഗണന പട്ടികയില് ഉള്ളത്. വാക്സിന് ലഭ്യമായാല് ജനുവരി മുതല് ജൂലായ് വരെയാതെന്നും ആരോഗ്യ മന്ത്രാലയം അറിയിച്ചു. വാക്സിന്റെ ശേഖരണം, സംഭരണം, വിതരണം അടക്കമുള്ള കാര്യങ്ങള്ക്കുള്ള പദ്ധതിയും തയ്യാറായിക്കഴിഞ്ഞു. ഇതിനായി രൂപീകരിച്ച വിദഗ്ധ സമിതിയുടെ നിര്ദ്ദേശ പ്രകാരമാണ് ആദ്യഘട്ട വാക്സിനേഷനുള്ള രൂപരേഖ തയ്യാറാക്കിയിരിക്കുന്നത്.