ജയ്പൂ‌ര്‍: ഇന്ത്യന്‍ യുദ്ധവിമാനങ്ങള്‍ ഇനിമുതല്‍ അടിയന്തരഘട്ടത്തില്‍ ദേശീയപാതകളില്‍ ഇറങ്ങും. ഇതിനുവേണ്ടി വേണ്ടി നടത്തിയ ആദ്യ പരീക്ഷണം ഇന്ത്യന്‍ വ്യോമസേന വിജയകരമായി പൂർത്തിയാക്കി. രാജസ്ഥാനിലെ ജലോറില്‍ വ്യോമസേനയുടെ രണ്ട് യുദ്ധഹെലികോപ്ടറുകള്‍ റോഡില്‍ ഇറക്കിയാണ് ഇന്ത്യൻസേന പരീക്ഷണം പൂർത്തിയാക്കിയത്.
വ്യോമസേനയുടേയും നാഷണല്‍ ഹൈവേ അതോറിറ്റിയുടേയും നേതൃത്വത്തില്‍ കര്‍ശന സുരക്ഷ ഏര്‍പ്പെടുത്തിയതിനു ശേഷമാണ് ഹെലികോപ്ടറുകള്‍ നിരത്തില്‍ ഇറക്കിയത്. യുദ്ധങ്ങള്‍ക്കും പ്രകൃതിദുരന്തങ്ങള്‍ക്കും യുദ്ധവിമാനങ്ങള്‍ റോഡുകളില്‍ ഇറക്കുവാന്‍ സാധിച്ചാല്‍ ഇന്ത്യന്‍ വ്യോമസേനയ്ക്ക് അത് വലിയരീതില്‍ ഗുണം ചെയ്യും. പ്രതിരോധ വകുപ്പിന്റെ നിര്‍ദേശം അനുസരിച്ചാണ് ഇത്തരത്തില്‍ ഒരു നീക്കം ഗതാഗത വകുപ്പ് നടത്തിയത്. രാജ്യരക്ഷ പരിഗണിച്ച്‌ അവയുടെ പട്ടിക അതീവ രഹസ്യമായി തന്നെ സൂക്ഷിക്കാനാണ് തീരുമാനം. രാജ്യത്തിന്റെ വിവിധ ഭാഗങ്ങളിലായി യുദ്ധവിമാനങ്ങള്‍ ഇറക്കുവാന്‍ സാധിക്കുന്ന 25 ഓളം റോഡുകള്‍ കേന്ദ്ര ഗതാഗതവകുപ്പ് കണ്ടെത്തി പട്ടിക തയ്യാറാക്കിയിട്ടുണ്ട്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
