ദില്ലി:അന്തർ സംസ്ഥാന മയക്കുമരുന്ന് കടത്തുകാരനെ അറസ്റ്റ് ചെയ്ത് ദില്ലി പോലീസ് . രഹസ്യ വിവരത്തിൻ്റെ അടിസ്ഥാനത്തിൽ സ്പെഷ്യൽ സെൽ നടത്തിയ പരിശോധനയിലാണ് ഇയാൾ പിടിയിലായത്.
സീലംപൂർ സ്വദേശിയായ മുഹമ്മദ് നദീം ഖാൻ എന്നയാളാണ് പിടിയിലായതെന്ന് ദില്ലി പോലീസ് അറിയിച്ചു.
ഐഎസ്ബിടി കശ്മീരി ഗേറ്റിന് സമീപം വൻതോതിൽ ഹെറോയിൻ വിതരണം ചെയ്യാൻ നദീം എത്തുമെന്ന് വ്യക്തമായ വിവരം ലഭിച്ചു.
തുടർന്ന് രാവിലെ 8 മുതൽ പരിശോധന നടത്തി. ബീഹാറിലെ സസാറാമിൽ നിന്ന് പടിഞ്ഞാറൻ ഉത്തർപ്രദേശ്, ദില്ലി എൻസിആർ വഴി രാജ്യത്തിന്റെ മറ്റ് ഭാഗങ്ങളിലേക്ക് ഹെറോയിൻ ചരക്കുകൾ കൊണ്ടുവന്ന കേസിൽ ഇയാൾ പ്രതിയാണെന്നും പോലീസ് പറഞ്ഞു.
ദില്ലിയിലെ മയക്കുമരുന്ന് സംഘത്തിന്റെ തലവനെ നദീം പരിചയപ്പെട്ടു. പിന്നീട് അദ്ദേഹത്തിന്റെ മകളെ വിവാഹം കഴിച്ചു. തുടർന്ന് നദീം ഖാൻ ദില്ലിയിലും പരിസര പ്രദേശങ്ങളിലും ഭാര്യാപിതാവിന്റെ അനധികൃത മയക്കുമരുന്ന് വ്യാപാരം കൈകാര്യം ചെയ്യാൻ തുടങ്ങി.
അതേസമയം കോടതിയിൽ ഹാജരാക്കിയ പ്രതിയെ കൂടുതൽ അന്വേഷണത്തിനായി പൊലീസ് കസ്റ്റഡിയിൽ വിട്ടു.