കോൺഗ്രസിൽനിന്നും കാലുമാറി ബിജെപിയിലെത്തിയ ജ്യോതിരാദിത്യ സിന്ധ്യ മധ്യപ്രദേശിൽനിന്ന് രാജ്യസഭാ സീറ്റിലേക്ക് നാമനിർദേശ പത്രിക സമർപ്പിച്ചു. ബിജെപി നേതാവും മുൻ മുഖ്യമന്ത്രിയുമായ ശിവരാജ് സിംഗ് ചൗഹാനൊപ്പമെത്തിയാണ് സിന്ധ്യ പത്രിക സമർപ്പിച്ചത്. ബിജെപിയിൽ ചേർന്നതിനു പിന്നാലെ രാജ്യസഭയിലേക്ക് സിന്ധ്യയെ പാർട്ടി നാമനിർദേശം ചെയ്തിരുന്നു.
കോൺഗ്രസിന്റെ മുതിർന്ന നേതാവ് ദിഗ്വിജയ് സിംഗും മധ്യപ്രദേശിൽ നിന്ന് രാജ്യസഭയിലേക്ക് നാമനിർദേശ പത്രിക സമർപ്പിച്ചിട്ടുണ്ട്. 26 നാണ് വിവിധ സംസ്ഥാനങ്ങളിലെ 55 രാജ്യസഭാ സീറ്റുകളിലേക്ക് തെരഞ്ഞെടുപ്പ് നടക്കുന്നത്. പത്രിക സമർപ്പിക്കാനുള്ള അവസാന തീയതി 13 ആണ്.
