കാബൂള്: അഫ്ഗാന് തലസ്ഥാനമായ കാബൂളില് വന് സ്ഫോടന നടന്നതായി റിപ്പോര്ട്ട്. പാതയോരത്തുണ്ടായ സ്ഫോടനത്തില് അഞ്ചുപേര് കൊല്ലപ്പെട്ടന്നാണ് പ്രാഥമിക വിവരം. സ്ഫോടനത്തിൽ നിരവധി വാഹനങ്ങളും തകര്ന്നിട്ടുണ്ട്. സ്ഫോടനത്തിന്റെ ഉത്തരവാദിത്വം ആരും ഇതുവരെ ഏറ്റെടുത്തിട്ടില്ല.
അതേസമയം, ഒരു ടൊയോട്ടാ വാഹനത്തെ ലക്ഷ്യമാക്കിയാണ് സ്ഫോടനം നടത്തിയതെന്നാണ് പ്രദേശവാസികള് പറയുന്നത്. എന്നാല് ആ വാഹനത്തില് ആരാണ് ഉണ്ടായിരുന്നതെന്ന് പുറത്തുവന്നിട്ടില്ല.
കാബൂളിലെ സൈനിക ആശുപത്രിയില് സ്ഫോടനം നടന്നത് ഈ മാസം ആദ്യമായിരുന്നു. സ്ഫോടനത്തില് താലിബാന് ഭീകര നേതാവ് കൊല്ലപ്പെട്ടിരുന്നു. കാബൂള് കേന്ദ്രീകരിച്ച് ഇതുവരെ നടന്ന എല്ലാ സ്ഫോടനങ്ങളുടേയും ഉത്തരവാദിത്വം ഐ.എസ് ഖൊറാസാന് വിഭാഗമാണ് ഏറ്റെടുത്തിട്ടുള്ളത്.