ഇന്ത്യന്‍ 2വില്‍ നായിക കാജല്‍ അഗര്‍വാള്‍ തന്നെ! ചിത്രത്തില്‍ വമ്പന്‍ താരനിര അണിനിരക്കുന്നു, സെപ്റ്റംബറില്‍ ചിത്രീകരണം ആരംഭിക്കും

ഇന്ത്യന്‍ സിനിമാ പ്രേമികള്‍ പ്രതിക്ഷയോടെ കാത്തിരിക്കുന്ന ചിത്രമാണ് ഇന്ത്യന്‍ 2. 1996ല്‍ പുറത്തുവന്ന ഇന്ത്യന്‍ എന്ന ചിത്രത്തിന്റെ രണ്ടാം ഭാഗമായി ഒരുങ്ങുന്ന ചിത്രത്തില്‍ വമ്പന്‍ താരനിരയാണ് അണിനിരക്കുന്നത്.

ശങ്കര്‍ – കമല്‍ ഹാസന്‍ കോമ്പോ ഒന്നിക്കുന്ന സിനിമയുമായി ബന്ധപ്പെട്ട് പുറത്ത് വരുന്ന എല്ലാ വിവരങ്ങളും പ്രേക്ഷകര്‍ ഏറ്റെടുക്കാറുണ്ട്. ചിത്രത്തിന്റെ ഷൂട്ടിം​ഗ് നേരത്തെ തന്നെ ആരംഭിച്ചിരുന്നെങ്കിലും സെറ്റില്‍ നടന്ന അപകടവും നിര്‍മ്മാണ കമ്ബനിയുടെ പ്രശ്‌നങ്ങളും കാരണം പാതിവഴിയില്‍ നിന്നു പോകുകയായിരുന്നു.

കാജല്‍ അഗര്‍വാളിനെ ആയിരുന്നു ചിത്രത്തില്‍ നായികയായി പരി​ഗണിച്ചത്. എന്നാല്‍, ചിത്രത്തില്‍ നിന്നും താരം പിന്മാറിയെന്നും കാജല്‍ അഗര്‍വാളിന് പകരം ചിത്രത്തിലേക്ക് ബോളിവുഡ് താരം ദീപിക പദുകോണിനെ പരി​ഗണിക്കുന്നു എന്നും ചില സൂചനകൾ ഉണ്ടായിരുന്നു.

ഇപ്പോളിതാ, വിഷത്തില്‍ പ്രതികരണവുമായി എത്തിയിരിക്കുകയാണ് കാജല്‍. താന്‍ തന്നെയാണ് ചിത്രത്തില്‍ നായികയായി എത്തുന്നതെന്നും, സെറ്റിലേക്ക് തിരികെ പോകാനുള്ള തയ്യാറെടുപ്പിലാണെന്നുമാണ് കാജല്‍ പറഞ്ഞത്. നടി നേഹ ധൂപിയയുമായുള്ള ഇന്‍സ്റ്റാഗ്രാം ലൈവിനിടെയാണ് കാജല്‍ ഇക്കാര്യം പറഞ്ഞത്. സെപ്റ്റംബര്‍ 13 മുതല്‍ സിനിമയുടെ ചിത്രീകരണം പുനരാരംഭിക്കുമെന്നും കാജല്‍ കൂട്ടിച്ചേര്‍ത്തു.