കൊച്ചി: കളമശ്ശേരിയില് മണ്ണിടിഞ്ഞുണ്ടായ അപകടത്തില് മരിച്ച നാല് അന്യസംസ്ഥാന തൊഴിലാളികളുടെ മൃതദേഹം ഇന്ന് നാട്ടിലെത്തിക്കും. ഇവരുടെ സ്വദേശമായ പശ്ചിമ ബംഗാളിലേക്കാണ് കൊണ്ട് പോകുക.
രാവിലെ പതിനൊന്ന് മണിക്കുള്ളിൽ മൂന്ന് വിമാനങ്ങളിലായിട്ടാണ് മൃതദേഹം കൊണ്ട് പോകുക. അതേസമയം, നെസ്റ്റിലെ നിര്മാണ ജോലിയിലുണ്ടായ അപകടം സംബന്ധിച്ച്, എഡിഎമ്മിന്റെ അന്വേഷണം തുടരുകയാണ്. കമ്പനിയേയും കരാറുകാരെയും നോട്ടീസ് നൽകി ഉടൻ വിളിപ്പിക്കും. വിശദമായ ഹിയറിങ്ങിന് ശേഷം ഒരാഴ്ചയ്ക്കകം റിപ്പോർട്ട് നൽകാനാണ് ജില്ല കളക്ടർ ഉത്തരവിട്ടിട്ടുള്ളത്.
