കോട്ടയം :ശ്രദ്ധ സതീഷിന്റെ ആത്മഹത്യയെത്തുടർന്ന് അടച്ച കാഞ്ഞിരപ്പള്ളി അമൽജ്യോതി എഞ്ചിനീയറിംഗ് കോളേജ് ഇന്ന് തുറക്കും.ക്ലാസുകള് ഇന്ന് മുതല് പുനരാരംഭിക്കുമെന്നാണ് റിപ്പോർട്ടുകൾ.കനത്ത പോലീസ് സുരക്ഷയിലാണ് ക്ലാസുകള് പുനരാരംഭിക്കുന്നത്.ശ്രദ്ധയുടെ മരണത്തെ തുടര്ന്ന് ആരോപണ വിധേയായ കോളജ് വാര്ഡന് സിസ്റ്റര് മായയെ ചുമതലകളില് നിന്ന് മാറ്റിയിട്ടുണ്ട്. ശ്രദ്ധയുടെ മരണത്തില് ക്രൈംബ്രാഞ്ച് അന്വേഷണം പുരോഗമിക്കുന്നതിനിടയിലാണ് കോളജിന്റെ പ്രവര്ത്തനം വീണ്ടും ആരംഭിക്കുന്നത്.ശ്രദ്ധയുടെ മരണത്തില് വനിതാ കമ്മിഷന് കേസെടുത്തു. പൊലീസ് റിപ്പോര്ട്ട് സമര്പ്പിക്കാന് കാഞ്ഞിരപ്പള്ളി എസ്എച്ച്ഒയ്ക്ക് കമ്മിഷന് നിര്ദ്ദേശം നല്കിയിട്ടുണ്ട്.
രണ്ടാം വര്ഷ ഫുഡ് ടെക്നോളജി വിദ്യാര്ഥിനി തൃപ്പൂണിത്തുറ തിരുവാങ്കുളം സ്വദേശി ശ്രദ്ധ സതീഷ് (20) ആണ് കോളജ് ഹോസ്റ്റലില് ആത്മഹത്യ ചെയ്തത്. ഒപ്പം താമസിക്കുന്ന കുട്ടികള് ഭക്ഷണം കഴിക്കാന് പുറത്തുപോയി തിരിച്ചു വരുമ്പോള് ഫാനില് തൂങ്ങിയ നിലയില് ശ്രദ്ധയെ കാണുകയായിരുന്നു. ഉടന് കുട്ടികള് വിവരം അറിയിച്ചതനുസരിച്ച് എത്തിയ കോളജ് ജീവനക്കാര് ശ്രദ്ധയെ ആശുപത്രിയില് എത്തിച്ചെങ്കിലും രക്ഷിക്കാനായില്ല
