ബെംഗളൂരു: കേരളത്തില് നിന്നും എത്തുന്നവര്ക്ക് ഏഴു ദിവസത്തെ ക്വാറന്റെന് നിര്ബന്ധമാക്കി കര്ണാടക സര്ക്കാര്. ഏഴു ദിവസവും സര്കാര് കേന്ദ്രങ്ങളില് ക്വാറന്റൈനില് കഴിയണം. എട്ടാം ദിവസം നടത്തുന്ന കോവിഡ് പരിശോധന ഫലം നെഗറ്റീവ് ആയാല് മാത്രമേ പുറത്തിറങ്ങാന് അനുവദിക്കൂ. രണ്ട് ഡോസ് വാക്സിന് സര്ട്ടിഫിക്കറ്റും കൊവിഡ് നെഗറ്റീവ് സര്ട്ടിഫിക്കറ്റും ഇനി പരിഗണിക്കില്ല.
കേരളവുമായി അതിര്ത്തി പങ്കിടുന്ന ജില്ലകളിലും നിയന്ത്രണങ്ങള് തുടരും. ദക്ഷിണ കന്നഡ, കൊടക് ജില്ലകളിലാണ് നിയന്ത്രണങ്ങള് തുടരുക. കേരളത്തിലെ ഉയര്ന്ന ടെസ്റ്റ് പോസിറ്റീവിറ്റി നിരക്കിന്റെ പശ്ചാത്തലത്തിലാണ് നിയന്ത്രണങ്ങള് കടുപ്പിക്കുന്നത്.
അതേസമയം സംസ്ഥാനത്ത് ഇന്ന് 19,622 പേര്ക്ക് കോവിഡ്-19 സ്ഥിരീകരിച്ചു. തൃശൂര് 3177, എറണാകുളം 2315, കോഴിക്കോട് 1916, പാലക്കാട് 1752, തിരുവനന്തപുരം 1700, കൊല്ലം 1622, മലപ്പുറം 1526, ആലപ്പുഴ 1486, കണ്ണൂര് 1201, കോട്ടയം 1007, പത്തനംതിട്ട 634, ഇടുക്കി 504, വയനാട് 423, കാസര്ഗോഡ് 359 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചിരിക്കുന്നത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona