ബെംഗളുരു: കര്‍ണാടകയില്‍ 14 വിമത എം എല്‍ എമാരെ കൂടി സ്പീക്കര്‍ അയോഗ്യരാക്കി. കോണ്‍ഗ്രസിലെ 11 പേരെയും ജെ ഡി എസിലെ മൂന്ന് പേരെയുമാണ് ഇന്ന് അയോഗ്യരാക്കിയത്. നേരത്തെ മൂന്ന് എം എല്‍ എ മാരെ അയോഗ്യരാക്കിയിരുന്നു.
ഇതോടെ നിയമസഭയുടെ അംഗ ബലം 207 ആയി.നാളെ ബി എസ് യെദിയൂരപ്പ വിശ്വാസ വോട്ട് തേടാനിരിക്കെയാണ് സ്പീക്കറുടെ നടപടി.ഇന്ന് മുതല്‍ സഭാ കാലാവധി തീരും വരെയാണ് അയോഗ്യത.കോണ്‍ഗ്രസിന്‍റെയും ജെ ഡി എസിന്‍റെയും പരാതിയുടെ അടിസ്ഥാനത്തിലാണ് നടപടി
