ജമ്മു ശ്മീരില്‍ മൂന്ന് ലഷ്‌കര്‍ ഇ ത്വയ്ബ ഭീകരന്മാർ പിടിയിലായി.ബുദ്ഗാം ജില്ലയില്‍ നിന്നാണ് ഭീകരരെ പിടികൂടിയത്. മുഹമ്മദ് യൂസഫ് ദാര്‍, അബ്ദുള്‍ മജീദ് മിര്‍, റിയാസ് അഹമ്മദ് ബസ്മതി എന്നിവരാണ് അറസ്റ്റിലായത്.ഗ്രനേഡുകളും എകെ-47 ഗ്രൗണ്ട്‌സും ഡിറ്റണേറ്ററുകളും ഉള്‍പ്പെടെ നിരവധി ആയുധശേഖരങ്ങളും മൊബൈല്‍ ഫോണുകളും ഇവരില്‍ നിന്നും പിടിച്ചെടുത്തു.ശ്രീനഗര്‍, ബുദ്ഗാം ജില്ലകളെ കേന്ദ്രീകരിച്ചായിരുന്നു ഇവര്‍ പ്രവര്‍ത്തിക്കുന്നത്.
പ്രദേശത്ത് ഭീകര സാന്നിദ്ധ്യമുള്ളതായി സുരക്ഷാ സേനയ്ക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ രാഷ്ട്രീയ റൈഫിള്‍സും സിആര്‍പിഎഫും ബുദ്ഗാം പോലീസും സംയുക്തമായി നടത്തിയ പരിശോധനയിലാണ് ഭീകരര്‍ പിടിയിലായിരിക്കുന്നത്.
ശ്രീനഗറില്‍ നടന്ന ഗ്രനേഡ് ആക്രമണങ്ങളുടെ സൂത്രധാരന്മാരാണ് പിടിയിലായ ഭീകരര്‍.നിരവധി പാകിസ്ഥാന്‍ ഇടനിലക്കാരുമായി ഇവര്‍ ബന്ധം പുലര്‍ത്തിയിരുന്നു. ലഷ്‌കര്‍ ഇ ത്വയ്ബ സംഘടനയിലേക്ക് ആളുകളെ റിക്രൂട്ട് ചെയ്യാനും ഇവര്‍ സഹായം നല്‍കിയിരുന്നു എന്നും റിപ്പോർട്ടുണ്ട് .
