പാലക്കാട്: സിനിമാപ്രവർത്തകർ തമ്മിൽ ലോഡ്ജിൽ സംഘർഷം. സംഭവത്തില് ഒരാള്ക്ക് കുത്തേറ്റു. വടകര സ്വദേശി ഷിജാബിനാണ് കഴുത്തില് കുത്തേറ്റത്. ഇയാളെ തൃശൂര് മെഡിക്കല് കോളേജിലേയ്ക്ക് മാറ്റി. സഹപ്രവര്ത്തകനായ ഉത്തമനാണ് കുത്തിയതെന്നാണ് ഷിജാബ് പൊലീസിന് മൊഴിനല്കിയിരിക്കുന്നത്.
പ്രതിയെ പാലക്കാട് സൗത്ത് പൊലീസ് കസ്റ്റഡിയിലെടുത്തു. എന്നാല് താന് നിരപരാധിയാണെന്നും ഷിജാബ് സ്വയം ചെയ്തതാണെന്നുമാണ് ഉത്തമന്റെ വാദം. പാലക്കാട് സിറ്റി ലോഡ്ജില് വച്ച് ഇരുവരും ചേര്ന്ന് മദ്യപിക്കുന്നതിനിടെയാണ് സംഭവമുണ്ടായത്.