Friday, March 29, 2024
spot_img

തെളിവില്ല!! ലഹരി കേസിൽ ആര്യൻ ഖാന് ക്ലീൻ ചിറ്റ്; കോടതിയിൽ കുറ്റപത്രം സമർപ്പിച്ച് എൻസിബി

മുംബൈ: ലഹരി മരുന്ന് കേസിൽ നടൻ ഷാറൂഖ് ഖാന്റെ മകൻ ആര്യൻ ഖാന് ക്ലീൻ ചിറ്റ്. നർകോട്ടിക്സ് കൺട്രോൾ ബ്യൂറോയാണ് (NCB) ആര്യനെ കുറ്റവിമുക്തനാക്കിയത്.ആര്യൻ ഖാന്റെ കയ്യിൽനിന്ന് ലഹരിമരുന്ന് പിടിച്ചെടുത്തിട്ടില്ലെന്നും ആര്യനെതിരെ തെളിവില്ലെന്നും എൻസിബി വ്യക്തമാക്കിയിട്ടുണ്ട്.കോടതിയിൽ എൻസിബി കുറ്റപത്രം സമർപ്പിച്ചു. എന്നാൽ കേസുമായി ബന്ധപ്പെട്ട് സമർപ്പിച്ച കുറ്റപത്രത്തിൽനിന്ന് ആര്യനൊപ്പം മറ്റു നാലു പേരെക്കൂടി തെളിവില്ലാത്തതിന്റെ പേരിൽ ഒഴിവാക്കിയിട്ടുണ്ട്.

കഴിഞ്ഞ വർഷം ഒക്ടോബറിലാണ് ആര്യനെ ലഹരിക്കേസുമായി ബന്ധപ്പെട്ട് അറസ്റ്റ് ചെയ്തത്.തുടർന്ന് 26 ദിവസത്തോളം കസ്റ്റഡിയിലായിരുന്ന ആര്യൻ ഖാന് പിന്നീട് ബോംബെ ഹൈക്കോടതിയാണ് ജാമ്യം അനുവദിച്ചത്. ദിവസങ്ങൾ നീണ്ടുനിന്ന നാടകീയ സംഭവങ്ങൾക്കൊടുവിൽ ഒക്ടോബർ 30ന് ആര്യൻ ജയിൽ മോചിതനായി.

Related Articles

Latest Articles