കൂടത്തായി: കൂടത്തായി കൊലപാതക പരമ്പര കേസില്‍ നാലാം കുറ്റപത്രം ഇന്ന് സമര്‍പ്പിക്കും. മഞ്ചാടിയില്‍ മാത്യു വധക്കേസിലെ കുറ്റപത്രമാണ് സമര്‍പ്പിക്കുന്നത്. മാത്യുവിന് വെള്ളത്തിലും, മദ്യത്തിലും സയനൈഡ് കലര്‍ത്തി നല്‍കിയാണ് കൊല നടത്തിയത്. ജോളിയുടെ ഭര്‍ത്താവ് റോയ് തോമസിന്റെ മരണത്തില്‍ മാത്യു സംശയം പ്രകടിപ്പിച്ചിരുന്നു. ഇതാണ് കൊലയ്ക്ക് കാരണം.
ജോളിയുടെ ആദ്യ ഭര്‍ത്താവ് റോയ് തോമസിന്റെ മാതൃസഹോദരനായ മഞ്ചാടിയില്‍ മാത്യുവിനെ മദ്യത്തിലും വെള്ളത്തിലും സയനൈഡ് കലര്‍ത്തി കൊലപ്പെടുത്തിയെന്നാണ് അന്വേഷണ സംഘത്തിന്റെ കണ്ടെത്തല്‍. ജോളിയുടെ ഭര്‍ത്താവായ റോയ് തോമസിന്റെ മരണത്തില്‍ സംശയം പ്രകടിപ്പിക്കുകയും സ്വത്തുക്കള്‍ ജോളിക്ക് നല്‍കുന്നതില്‍ മാത്യു എതിര്‍പ്പ് പ്രകടിപ്പിക്കുകയും ചെയ്തിരുന്നു. ഇതാണ് മാത്യുവിനെ കൊലപ്പെടുത്താനുള്ള കാരണം എന്നാണ് കുറ്റപത്രത്തില്‍ പറയുന്നത്.
മാത്യു മാത്രം വീട്ടിലുണ്ടായിരുന്ന ദിവസം ജോളി സയനൈഡ് കലര്‍ത്തിയ മദ്യം നല്‍കി. തുടര്‍ന്ന് മരണ വെപ്രാളത്തിനിടെ വെള്ളം ആവശ്യപ്പെട്ടപ്പോള്‍ അതിലും സനനൈഡ് കലര്‍ത്തി നല്‍കുകയായിരുന്നു. റോയിയുടെ മൃതദേഹം പോസ്റ്റുമോര്‍ട്ടം ചെയ്യണമെന്ന് വാശി പിടിച്ചതും, റോയ് തോമസിന്റെ മരണത്തില്‍ മാത്യു സംശയം പ്രകടിപ്പിച്ചതുമാണ് കൊലക്ക് കാരണം. ജോളിക്ക് സനനൈഡ് സംഘടിപ്പിച്ച് നല്‍കിയ എംഎസ് മാത്യു, പ്രജികുമാര്‍ എന്നിവരാണ് രണ്ടും മൂന്നും പ്രതികള്‍.
