ഇടത് പക്ഷത്തിന്റെയും വലത് പക്ഷത്തിന്റെയും ആഹ്വാനത്തോടെ നടക്കുന്ന ഹര്‍ത്താലിനിടെ തിരുവനന്തപുരത്തും കോഴിക്കോടും അക്രമം(strike). അയണിമൂടിലും കോഴിക്കോട് നടക്കാവില്‍ പ്രവര്‍ത്തിക്കുന്ന ഏഷ്യനെറ്റ് ബ്രോഡ്ബാന്‍ഡ് ഓഫീസ് സിപിഎം പ്രവര്‍ത്തകര്‍ ആക്രമിച്ചു. ഹര്‍ത്താല്‍ ദിനത്തില്‍ ഓഫീസ് തുറന്ന് പ്രവര്‍ത്തിച്ചു എന്നാരോപിച്ചാണ് വ്യാപക അക്രമം. ഓഫീസ് അടപ്പിക്കാനെത്തിയവര്‍ ജീവനക്കാരെ തടയുകയായിരുന്നു.
അതേസമയം തിരുവനന്തപുരം അയണിമൂടില്‍ പമ്പ് ജീവനക്കാരെ ആക്രമിച്ചെന്നും പരാതി ഉണ്ട്. ഇന്ത്യന്‍ ഓയില്‍ പമ്പിലാണ് സംഭവം. പമ്പ് അടച്ചിടണമെന്ന് ആവശ്യപ്പെട്ട് വനിത ജീവനക്കാരെയടക്കം ആക്രമിക്കുകയായിരുന്നു. ജോലിചെയ്യുന്നവരെ തടയില്ലെന്ന് സമരം ചെയ്യുന്ന യൂണിയന്‍ നേതാക്കള്‍ ഉറപ്പുനല്‍കിയിരുന്നു. കൂടാതെ തൊഴില്‍ ചെയ്യാനായി എത്തുന്നവര്‍ക്ക് സംരക്ഷണം ഒരുക്കുമെന്ന് പോലീസും അറിയിച്ചിരുന്നു.
