തിരുവനന്തപുരം : BMS ൻറെ നേതൃത്വത്തിൽ തൊഴിലാളികൾ സമരം ശക്തമാക്കിയതോടെ KSRTC യിൽ ഡ്രൈവർ കണ്ടക്ടർ വിഭാഗം ജീവനക്കാർക്ക് ശമ്പളം ലഭിച്ചു. പക്ഷെ മെക്കാനിക്, മിനിസ്റ്റീരിയൽ, സൂപ്പർവൈസറി വിഭാഗം ജീവനക്കാർക്ക് ഇതുവരെയും ശമ്പളം നൽകാതെ ഒളിച്ചു കളിക്കുകയാണ് KSRTC മാനേജ്മന്റ്. അതേസമയം KSRTC ശമ്പള വിതരണത്തിലെ വിവേചനം അവസാനിപ്പിക്കുക, എല്ലാ ജീവനക്കാർക്കും ശമ്പള വിതരണം നടത്തുക, ശമ്പള മുടക്കം അവസാനിപ്പിക്കുക എന്നീ ആവശ്യങ്ങളുമായി KST എംപ്ലോയീസ് സംഘ് നടത്തുന്ന പ്രക്ഷോഭം ട്രാൻസ്പോർട്ട് ഭവന് മുന്നിൽ തുടരുന്നു.
നേരത്തെ ഷെഡ്യൂൾ ഡ്യൂട്ടി ബഹിഷ്കരണം അടക്കമുള്ള സമരങ്ങൾ KST എംപ്ലോയീസ് സംഘ് നടത്തിയിരുന്നു. ചർച്ചകളിൽ ഡിസംബർ 20 മുതൽ ശമ്പള വിതരണം നടത്തുമെന്ന് മാനേജ്മന്റ് ഉറപ്പു നൽകിയിരുന്നു. എന്നാൽ ഇതുവരെയും നവംബർ മാസത്തെ ശമ്പള വിതരണം കോര്പറേഷൻ പൂർത്തിയാക്കിയില്ല. ഷെഡ്യൂൾ ഡ്യൂട്ടി ബഹിഷ്കരണം അവസാനിപ്പിച്ചെങ്കിലും KSRTC ആസ്ഥാനത്ത് KST എംപ്ലോയീസ് സംഘ് പ്രക്ഷോഭം തുടരുകയാണ്.
