കൊച്ചി: സംസ്ഥാനത്ത് ഹാഷിഷ് ഓയിലുമായി (Drugs Seized) നിയമവിദ്യാർത്ഥി പിടിയിൽ. കൊച്ചിയിലാണ് സംഭവം. ന്യൂ ഇയര്‍ പാര്‍ട്ടിക്കായി വിശാഖപട്ടണത്തു നിന്നും കൊണ്ടുവന്ന രണ്ടു കിലോ ഹാഷിഷ് ഓയിലാണ് പിടിച്ചെടുത്തത്. സംഭവവുമായി ബന്ധപ്പെട്ട് കാക്കനാട് സ്വദേശി മുഹമ്മദിനെ ( 23) പോലീസ് കസ്റ്റഡിയിലെടുത്തു.
അതേസമയം ബെംഗളൂരുവിൽ എൽഎൽബി വിദ്യാർഥിയാണ് ഇയാൾ. ഹാഷിഷ് ഓയിൽ ബെംഗളൂരില്‍ നിന്നും കൊച്ചിയിലേക്ക് വരികയായിരുന്ന ബസില്‍ കടത്തുകയായിരുന്നു. ഇയാൾ കടത്തു സംഘത്തിലെ ഒരു കണ്ണി മാത്രമാണെന്നും കൂടുതൽ പേർ പിടിയിലാകാനുണ്ടെന്നുമാണ് പോലീസ് പറയുന്നത്. ഇതിനുപിന്നാലെ സംഭവത്തിൽ അന്വേഷണം കൂടുതൽ ഊർജ്ജിതമാക്കിയിരിക്കുകയാണ് പോലീസ്.
