തിരുവനന്തപുരം: തിരുവനന്തപുരം വിമാനത്താവളത്തിൽ വനിതാ പൈലറ്റിനെ അപമാനിക്കാൻ ശ്രമിച്ച ടാക്സി ഡ്രൈവർ അറസ്റ്റിൽ. മണക്കാട് സ്വദേശി ഉണ്ണികൃഷ്ണനാണ് അറസ്റ്റിലായത്. ഉണ്ണികൃഷ്ണൻ നേരത്തെയും കേസുകളിൽ പ്രതിയാണെന്ന് പോലീസ് പറഞ്ഞു.
വനിതാ ദിനമായ ഇന്നലെ രാത്രിയിലായിരുന്നു സംഭവം. ഡൽഹി സ്വദേശിനിയായ വനിതാ പൈലറ്റിനെയാണ് അപമാനിക്കാൻ ശ്രമിച്ചത്. ഹോട്ടലിലേക്ക് പോകാൻ വാഹനം കാത്തു നിൽക്കവെ ടാക്സി ഡ്രൈവർ അശ്ലീല ചുവയോടെ സംസാരിച്ചെന്നു യുവതി പരാതിയിൽ പറയുന്നു.
യുവതിയുടെ പരാതിയിൽ വലിയതുറ പോലീസാണ് ടാക്സി ഡ്രൈവർക്കെതിരേ കേസെടുത്തത്.