Friday, November 20, 2026

കൊങ്കണ്‍ റെയിൽവെ പാതയില്‍ മണ്ണിടിച്ചില്‍; ട്രെയിനുകള്‍ക്ക് നിയന്ത്രണം ഏർപ്പെടുത്തി

മംഗളൂരു: കൊങ്കണ്‍ പാതയില്‍ മണ്ണിടിച്ചിലിനെത്തുടര്‍ന്ന് ട്രെയിന്‍ ഗതാഗതത്തിന് നിയന്ത്രണം ഏര്‍പ്പെടുത്തിയതായി കൊങ്കണ്‍ റെയില്‍വേ അറിയിച്ചു. കര്‍വാറില്‍ മുരുഡേശ്വറിനും ഭട്കലിനും ഇടയിലാണ് മണ്ണിടിച്ചിലുണ്ടായിരിക്കുന്നത്. അഞ്ച് മണിക്കൂറിനുള്ളില്‍ 403 മില്ലിമീറ്റര്‍ മഴയാണ് ഈ മേഖലയില്‍ പെയ്തത്.

പലയിടത്തും ട്രാക്കില്‍ വെള്ളം കയറിയിരിക്കുകയാണ്. മഡ്ഗാവ് ജംക്ഷന്‍- മംഗളൂരു സെന്‍ട്രല്‍ സ്‌പെഷല്‍ ട്രെയിന്‍ റദ്ദാക്കി. എറണാകുളം- പൂനെ എക്സപ്രസ്, കെഎസ്ആര്‍ ബംഗളൂരു കാര്‍വാര്‍ എക്സ്പ്രസ്, തിരുവനന്തപുരം വെരാവല്‍ എക്സ്പ്രസ്, ലോകമാന്യ തിലക്- കൊച്ചുവേളി എക്സ്പ്രസ്, കാര്‍വാര്‍- യശ്വന്ത്പുര്‍ എക്സ്പ്രസ്, ഗാന്ധിധാം- തിരുനെല്‍വേലി എക്സപ്രസ് എന്നിവ വിവിധ സ്റ്റേഷനുകളിലായി നിര്‍ത്തിയിട്ടിരിക്കുകയാണ്.

Related Articles

Latest Articles