തൃശൂരിൽ അഭിഭാഷക മരിച്ചനിലയിൽ;മൃതദേഹം പുഴയ്ക്കലിലെ സ്വകാര്യ ഫ്ലാറ്റിലെ ശുചിമുറിയിൽ നിന്ന് കണ്ടെടുത്തു

തൃശൂർ : തൃശൂരിൽ അഭിഭാഷക മരിച്ചനിലയിൽ കണ്ടെത്തി. പുഴയ്ക്കലിലെ സ്വകാര്യ ഫ്ലാറ്റിലെ ശുചിമുറിയിലാണ് ഇവരെ മരിച്ച നിലയിൽ കണ്ടെത്തിയത്. യുവ അഭിഭാഷകളയായ നമിത ശോഭനെയാണ് മരിച്ചത്.

ചൊവ്വാഴ്ച മുതൽ ഇവരെ കാണാനില്ലായിരുന്നു. സുഹൃത്തുക്കളായ അഭിഭാഷകരോടൊപ്പം ഓഫീസിൽ നടത്തിയ ചർച്ചയ്ക്ക് ശേഷം സുഖമില്ലെന്ന് പറഞ്ഞു ഫ്‌ളാറ്റിലേക്ക് മടങ്ങിയതായിരുന്നു ഇവർ. സുഹൃത്തുക്കൾ ഇന്ന് ഫ്ലാറ്റിൽ നടത്തിയ തിരച്ചിലിലാണ് അഭിഭാഷകയെ മരിച്ച നിലയിൽ കണ്ടെത്തിയത്. ദുർഗന്ധം അനുഭവപ്പെട്ടതിനെ തുടർന്ന് വാതിൽ തള്ളി തുറന്നാണ് സുഹൃത്തുക്കൾഅകത്ത് കടന്നത്. മരണത്തിൽ അസ്വാഭാവികതയുണ്ടോ എന്നറിയാൻ പോസ്റ്റ് മോർട്ടം റിപ്പോർട്ട് ലഭിക്കുന്നതുവരെ കാത്തിരിക്കണം. വിവാഹ മോചിതയായ ഇവർ ഒറ്റയ്ക്കായിരുന്നു താമസം.പേരാമംഗലം പോലീസ് സംഭവത്തിൽ അന്വേഷണം ആരംഭിച്ചു