പാലക്കാട്: ചെർപ്പുളശ്ശേരിയിൽ ഉത്തരേന്ത്യക്കാർ മാത്രം താമസിക്കുന്ന കെട്ടിടത്തിൽ കയറി മൊബൈൽ ഫോണും പൈസയും മോഷ്ടിച്ച യുവാവ് പോലീസ് പിടിയിൽ. നെല്ലായ പാറക്കതൊടി നിയാമുദ്ദീനാണ് (29) പോലീസ് പിടിയിലായത്.
ചെർപ്പുളശ്ശേരി ഇ.എം.എസ് റോഡിൽ ബിവറേജസ് ഔട്ട്ലറ്റിന് സമീപമാണ് മോഷണം നടന്നത്. ജ്യേഷ്ഠനൊപ്പം ബൈക്കിൽ എത്തിയാണ് യുവാവ് മോഷണം നടത്തിയത്. തുടർന്ന് നാട്ടുകാരുടെ സഹായത്തോടെയാണ് പോലീസ് പ്രതിയെ പിടികൂടിയത്. ഒറ്റപ്പാലം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.