ഇന്ത്യൻ പ്രീമിയർ ലീഗ് (ഐപിഎൽ) ഫ്രാഞ്ചൈസി മുംബൈ ഇന്ത്യൻസിന്റെ പുതിയ പരിശീലകനായി മുൻ ദക്ഷിണാഫ്രിക്കൻ വിക്കറ്റ് കീപ്പർ-ബാറ്റർ മാർക്ക് ബൗച്ചറെ നിയമിച്ചു. എംഐ കേപ് ടൗൺ, എംഐ എമിറേറ്റ്സ് എന്നിവയുൾപ്പെടെ അവരുടെ ഉടമസ്ഥതയിലുള്ള മൂന്ന് ഫ്രാഞ്ചൈസികളിലെയും കോച്ചിംഗ് സ്റ്റാഫിന്റെ മേൽനോട്ടം വഹിക്കുന്നതിന് എംഐ ഗ്രൂപ്പിന്റെ ആഗോള തലവനായ മുൻ ശ്രീലങ്കൻ ക്യാപ്റ്റൻ മഹേല ജയവർധനയിൽ നിന്ന് ബൗച്ചർ ചുമതലയേൽക്കും.
ദക്ഷിണാഫ്രിക്ക പുരുഷ ക്രിക്കറ്റ് ടീമിന്റെ നിലവിലെ മുഖ്യ പരിശീലകനായ ബൗച്ചർ, 2022-ൽ ഓസ്ട്രേലിയയിൽ നടക്കുന്ന ടി20 ലോകകപ്പ് അവസാനിച്ചതിന് ശേഷം താൻ സ്ഥാനത്ത് നിന്ന് മാറുമെന്ന് കഴിഞ്ഞ ആഴ്ച്ച സ്ഥിരീകരിച്ചു. ദക്ഷിണാഫ്രിക്ക ടി20 ലീഗിൽ പുതുതായി രൂപീകരിച്ച എംഐ കേപ്ടൗൺ ഫ്രാഞ്ചൈസിയിൽ ബൗച്ചർ കോച്ചിംഗ് സെറ്റപ്പിൽ ചേരുമെന്ന് നേരത്തെ റിപ്പോർട്ട് ചെയ്തിരുന്നു.
