കൊച്ചി: എം.ഡി.എം.എയുമായി രണ്ട് യുവാക്കൾ പോലീസ് പിടിയിൽ. എളമക്കര കീർത്തിനഗർ വലിയപറമ്പ് പാറമേൽ അർജുൻ ഷാജി (23), കോഴിക്കോട് കുന്നത്തുപാല നന്മ ഹൗസിൽ അജയ് ശശികുമാർ (24)എന്നിവരാണ് പിടിയിലായത്. പ്രതികൾ കലൂർ, പച്ചാളം, എളമക്കര എന്നീ ഭാഗങ്ങളിലെ വിദ്യാർത്ഥികളെ കേന്ദ്രീകരിച്ച് മാരകമയക്കുമരുന്നായ എം.ഡി.എം.എ വിൽപ്പന നടത്തിവരികയായിരുന്നു. ഇവരിൽ നിന്ന് 3.34 ഗ്രാം എം.ഡി.എം.എയാണ് കണ്ടെടുത്തത്.
കൊച്ചി സിറ്റി പോലീസ് കമീഷണർ കെ. സേതുരാമന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. സിറ്റി ഡെപ്യൂട്ടി കമീഷണർ എസ്. ശശിധരന്റെ നിർദ്ദേശപ്രകാരം എസ്.ഐ അയിൻ ബാബുവിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
