മലയാള സിനിമയുടെ പ്രിയ നടി മീര ജാസ്മിൻ വീണ്ടും വെള്ളിത്തിരയിൽ തിളങ്ങാൻ ഒരുങ്ങുകയാണ്. സത്യൻ അന്തിക്കാടിന്റെ സിനിമയിലൂടെയാണ് മലയാളം സിനിമയിലേക്കു തിരിച്ചു വരുന്നത്. നേരത്തെ താരത്തിന്റെ ലൊക്കേഷനിലേക്കുള്ള വരവ് മലയാളികൾ ആഘോഷമാക്കിയിരുന്നു.
ഇപ്പോഴിതാ സോഷ്യൽ മീഡിയയിൽ വൈറലാവുന്നത് താരത്തിന്റെ ഡാൻസ് വിഡിയോ ആണ്. സിനിമയുടെ ഷൂട്ടിങ്ങിന്റെ ഇടവേളകൾ കാരവനിൽ ഡാൻസ് കളിച്ച് ആഘോഷിക്കുന്ന മീരയെ ആണ് വിഡിയോയിൽ കാണുന്നത്.
ചിത്രത്തിലെ കോസ്റ്റ്യൂം ആയ സാരി ധരിച്ചാണ് താരത്തിന്റെ സ്റ്റൈലിഷ് ഡാൻസ്. കൂടെ താരത്തിന്റെ ടീമിനേയും കാണാം. മാത്രമല്ല മീരയുടെ നൃത്ത വിഡിയോ ചുരുങ്ങിയ സമയത്തിനകം ശ്രദ്ധേയമായി. നിരവധി പേരാണ് പ്രതികരണങ്ങളുമായി രംഗത്തെത്തിയത്. ആരാധകർക്കിടയിൽ വൈറലാവുകയാണ് വിഡിയോ.
മീര ജാസ്മിൻ മലയാള സിനിമയിലേക്ക് അഞ്ച് വർഷങ്ങൾക്കു ശേഷം നായികയായി തിരിച്ചെത്തുന്ന ചിത്രമാണ് ഇത്. ജയറാം നായകനായി എത്തുന്ന ചിത്രത്തിൽ ജൂലിയറ്റ് എന്ന കഥാപാത്രത്തെയാണ് മീര അവതരിപ്പിക്കുന്നത്. ഡോക്ടർ ഇക്‌ബാൽ കുറ്റിപ്പുറത്തിന്റേതാണ് തിരക്കഥ. എസ്. കുമാർ ആണ് ഛായാഗ്രഹണം. വിഷ്ണു വിജയ് സംഗീതം.പ്രശാന്ത് മാധവ് കലാസംവിധാനവും സമീറ സനീഷ് വസ്ത്രലങ്കാരവും നിർവഹിക്കുന്നു. സെൻട്രൽ പിക്ചേഴ്സ് ആണ് ചിത്രം തിയറ്ററുകളിൽ എത്തിക്കുന്നത്.
