ഇത് കുറച്ച് കൂടി പോയി! കഴുത്തിന് പിടിച്ച്‌ ആരാധകന്റെ സെല്‍ഫി ശ്രമം; കലിപ്പ് ലുക്കില്‍ മെസ്സി

കഴിഞ്ഞ ദിവസം നടന്ന ഇക്വഡോറുമായുള്ള ലോകകപ്പ് യോഗ്യതാ മത്സരത്തിന് പിന്നാലെ സൂപ്പർ താരം ലയണൽ മെസ്സിയെ ബലമായി ചേർത്തു പിടിച്ച്‌ സെല്ഫിയെടുക്കുന്ന ആരാധകന്റെ ചിത്രമാണ് സോഷ്യൽമീഡിയയിൽ ഇപ്പോൾ ചർച്ചയാകുന്നത്.

അര്ജന്റീന- ഇക്വഡോർ മത്സരത്തിന് ശേഷമാണ് സുരക്ഷഉദ്യോഗസ്ഥരുടെ കണ്ണ് വെട്ടിച്ച്‌ ആരാധകൻ മെസിക്കടുത്തെത്തിയത്. ഓടിയെത്തി മെസിയുടെ തോളിലൂടെ ബലമായി കൈ ചേർത്തുവെച്ച് തന്നോടൊപ്പം സെല്ഫിയ്ക്ക് പോസ് ചെയ്യാൻ വേണ്ടി നിർബന്ധിക്കുകയായിരുന്നു.

ഉടൻ തന്നെ സുരക്ഷ ഉദ്യോഗസ്ഥർ ആരാധകനെ ഗ്രൗണ്ടിന് പുറത്തെത്തിക്കുകയും ചെയ്തു. ആരാധകൻ തന്നെ തന്റെ ഇന്സ്റ്റഗ്രാമിൽ ഈ ചിത്രങ്ങൾ പങ്കുവെച്ചിരുന്നു. ലോകകപ്പ് 2022 ലേക്കുള്ള അർജന്റീയയുടെ അവസാന യോഗ്യതാ മത്സരത്തിനിടെയാണ് അപ്രതീക്ഷിത സംഭവങ്ങളുണ്ടായത്. മത്സരം 1-1 ന് സമനിലയിൽ കലാശിച്ചു.