ദില്ലി: മദർ തെരേസസ്ഥാപിച്ച മിഷനറീസ് ഓഫ് ചാരിറ്റിയുടെ (Missionaries of Charity) വിദേശ സംഭാവന സ്വീകരിക്കുന്നതിനുള്ള രജിസ്ട്രേഷൻ പുനഃസ്ഥാപിച്ചു. ആവശ്യമായ രേഖകള്‍ സമര്‍പ്പിച്ചതിന് പിന്നാലെയാണ് തീരുമാനം. രജിസ്‌ട്രേഷന്‍ പുനസ്ഥാപിച്ചതോടെ മിഷനറീസ് ഒഫ് ചാരിറ്റിക്ക് വിദേശത്തു നിന്നു സംഭാവനയായി പണം സ്വീകരിക്കാനാവുമെന്ന് ആഭ്യന്ത്ര മന്ത്രാലയ വൃത്തങ്ങള്‍ വ്യക്തമാക്കി. ബാങ്ക് അക്കൗണ്ടിലെ പണം വിനിയോഗിക്കുന്നതിനും തടസ്സമില്ല.
മിഷിനറീസ് ഓഫ് ചാരിറ്റിയുടെ ബാങ്ക് അക്കൗണ്ടുകൾ മരവിപ്പിച്ചതായുള്ള റിപ്പോർട്ടുകൾ കേന്ദ്രസർക്കാർ തള്ളിയിരുന്നു. അതേസമയം വിദേശ സഹായം സ്വീകരിക്കാനുള്ള അനുമതി റദ്ദാക്കിയതായും കേന്ദ്രസർക്കാർ അറിയിച്ചിരുന്നു.
