തിരുവനന്തപുരം: മിസോറാം ഗവർണർ പിഎസ് ശ്രീധരൻ പിള്ള രചിച്ച ഇംഗ്ലീഷ് പുസ്തകം Justice for All, Prejudice to None പ്രകാശനം ഡിസംബർ 11ന്. കേരള ഗവർണർ ആരിഫ് മുഹമ്മദ് ഖാനും സീറോ മലബാർ സഭ മേജർ ആർച്ച്ബിഷപ് കർദിനാൾ ജോർജ് ആലഞ്ചേരിയും ചേര്‍ന്നാണ് പ്രകാശനം നിര്‍വ്വഹിക്കുന്നത്. മിസോറാം രാജ്ഭവൻ ആണ് പ്രസാധകർ. തിരുവനന്തപുരം രാജ്ഭവനിലാണ് പ്രകാശനം നടക്കുന്നത്. ഓൺലൈൻ പ്രകാശനം ആയതിനാൽ തൽസമയം പ്രക്ഷേപണം ചെയ്യുമെന്ന് രാജ്ഭവൻ സെക്രട്ടറി ലാൽതോമോയ ഐഎഎസ് അറിയിച്ചു.
മിസോറാം, കേരളം എന്നീ സംസ്ഥാനങ്ങളിലുള്ള വിവിധ മതവിഭാഗങ്ങളെക്കുറിച്ചുള്ള വിവരണങ്ങളും, ഗ്രന്ഥകർത്താവ് വിവിധ സ്ഥലങ്ങൾ സന്ദർശിച്ചതിന്‍റെ അനുഭവങ്ങളും പ്രസംഗങ്ങളുമാണ് ഗ്രന്ഥത്തിലെ പ്രതിപാദ്യ വിഷയങ്ങള്‍. പ്രധാനമന്ത്രി നരേന്ദ്രമോദിയുടെ ശ്രദ്ധേയമായ രണ്ട് പ്രസംഗങ്ങളും ഈ പുസ്തകത്തിൽ ഉൾപ്പെടുത്തിയിട്ടുണ്ടെന്നതാണ് ഏറ്റവും വലിയ പ്രത്യേകത.
രാജ്ഭവനില്‍ നടക്കുന്ന ചടങ്ങില്‍ തിരുവനന്തപുരം ശ്രീരാമകൃഷ്ണാശ്രമം മഠാധിപതി സ്വാമി ശ്രീ ഗോലോകാനന്ദ ഒ രാജഗോപാല്‍ എന്നിവര്‍ ആശംസകളര്‍പ്പിക്കും.
