തിരുവനന്തപുരം; രാജ്യത്തെ ആദ്യ മങ്കിപോക്സ് രോഗബാധ കേരളത്തില് റിപ്പോര്ട്ടു ചെയ്തതിനെ തുടര്ന്ന് കേന്ദ്രസംഘം പരിശോധനയ്ക്കെത്തി. സംസ്ഥാനത്ത് പ്രതിരോധ പ്രവര്ത്തനങ്ങള് ഊര്ജിതമാക്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ചിക്കന്പോക്സിന്റെ സമാന ലക്ഷണങ്ങളുള്ളവരെ നിരീക്ഷിച്ച് അവര്ക്ക് മങ്കി പോക്സ് അല്ലെന്ന് ഉറപ്പ് വരുത്തും. സമൂഹത്തില് സാമ്പിളുകള് റാണ്ഡമായി പരിശോധിക്കുന്നതാണ്. എയര്പോര്ട്ടില് നിരീക്ഷണം ശക്തമാക്കുമന്നം മന്ത്രി പറഞ്ഞു.
സംസ്ഥാനത്തെത്തിയ കേന്ദ്ര സംഘം തിരുവനന്തപുരം മെഡിക്കല് കോളേജ് സന്ദര്ശിച്ച് രോഗിയുടെ അവസ്ഥ വിലയിരുത്തി. ആരോഗ്യ വകുപ്പ് ഉദ്യോഗസ്ഥരുമായി സംഘം ചര്ച്ച നടത്തി. കേന്ദ്ര ആരോഗ്യ വകുപ്പ് അഡൈ്വസര് ഡോ. പി. രവീന്ദ്രന്, എന്സിഡിസി ജോ. ഡയറക്ടര് ഡോ. സങ്കേത് കുല്ക്കര്ണി, ന്യൂഡല്ഹി ഡോ. റാം മനോഹര് ലോഹ്യ ആശുപത്രിയിലെ പ്രൊഫസര് ഡോ. അനരാധ, ഡെര്മറ്റോളജിസ്റ്റ് ഡോ. അഖിലേഷ് തൊലെ, പൊതുജനാരോഗ്യ വിദഗ്ധ ഡോ. രുചി ജെയിന് എന്നിവരാണ് കേന്ദ്ര സംഘത്തിലുള്ളത്. ആരോഗ്യ വകുപ്പ് പ്രിന്സിപ്പല് സെക്രട്ടറി, പൊതുജനാരോഗ്യ വിഭാഗം അഡീഷണല് ഡയറക്ടര്, പബ്ലിക് ഹെല്ത്ത് ലാബ് ഡയറക്ടര് എന്നിവരുമായും സംഘം ചര്ച്ച നടത്തി.
