കൊച്ചി : ഓണക്കാലത്ത് ഗള്ഫില്നിന്നു കേരളത്തിലേക്കു കൂടുതല് വിമാന സര്വീസുകള് ഉണ്ടാവുമെന്ന് വിദേശകാര്യ സഹമന്ത്രി വി.മുരളീധരന്. അവധി കാലങ്ങളിലെല്ലാം ഇത്തരത്തില് വിദേശത്തുനിന്നു പ്രത്യേക സര്വീസുകള് നടത്തി വിമാന ടിക്കറ്റ് നിരക്ക് വര്ധന നിയന്ത്രിക്കാമെന്നു വ്യോമയാന മന്ത്രി ഉറപ്പു നല്കിയിട്ടുണ്ടെന്നും അദ്ദേഹം പറഞ്ഞു. പ്രവാസി ലീഗല് സെല് വാര്ഷികം ഉദ്ഘാടനം ചെയ്യുകയായിരുന്നു മുരളീധരന്.
കേരളത്തില് നിന്നു യൂറോപ്പിലേക്ക് ഗള്ഫ് വഴി അല്ലാതെ നേരിട്ട് കണക്ടിവിറ്റി നല്കുന്ന വിമാന സര്വീസ് വേണമെന്ന ആവശ്യവും അംഗീകരിച്ചിട്ടുണ്ട്. ഇതിനെക്കുറിച്ച് പഠിച്ചു നടപടി സ്വീകരിക്കാന് നിര്ദേശവും നല്കിയിട്ടുണ്ടെന്ന് കേന്ദ്രമന്ത്രി പറഞ്ഞു.