വിവാദ പരാമർശങ്ങളിലൂടെ പലപ്പോഴും വിവാദത്തിൽപ്പെടുന്ന നടനാണ് തെലുങ്ക് സിനിമയിലെ സൂപ്പർ താരവും രാഷ്ട്രീയ പ്രവർത്തകനുമായ നന്ദമുരി ബാലകൃഷ്ണ. ഇന്ത്യൻ സിനിമയിലേക്ക് ഓസ്‌കാർ കൊണ്ട് വന്ന എ ആർ റഹ്മാനെതിരെയും ഭാരതരത്നക്കെതിരെയും വിവാദ പരാമർശം നടത്തി പണി ഇരന്ന് വാങ്ങിച്ചിരിക്കുകയാണ്. എ ആർ റഹ്മാൻ ആരാണെന്നു പോലും തനിക്കറിയില്ല എന്നാണ് ബാലകൃഷ്ണ ഒരു ചാനൽ അഭിമുഖത്തിൽ പറഞ്ഞത്. തന്റെ അന്തരിച്ചു പോയ അച്ഛൻ എൻ ടി ആർന്റെ കാൽവിരലിലെ നഖത്തിന്റെ വില പോലുമില്ല ഭാരതരത്‌നത്തിന് എന്നാണ് ബാലകൃഷ്ണ പറഞ്ഞത്.
മാത്രമല്ല ഒരു പുരസ്കാരത്തിനും തന്റെ കുടുംബം തെലുങ്കു സിനിമയ്ക്കു നൽകിയ സംഭാവനകൾക്ക് പകരമാവാൻ സാധിക്കില്ല. അതുകൊണ്ട് എന്‍റെ അച്ഛനോ കുടുംബമോ അല്ല അവാര്‍ഡുകളാണ് മോശം. കുറഞ്ഞ കാലം കൊണ്ട് കൂടുതൽ സിനിമകൾ നിർമ്മിക്കാനും ഹിറ്റുകൾ സൃഷ്ടിക്കാനുമാണ് തന്റെ ലക്ഷ്യമെന്നും, അതാണ് തന്റെ പ്രവർത്തന രീതിയെന്നും ബാലകൃഷ്ണ കൂട്ടിച്ചേർത്തു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
