തിരുവനന്തപുരം: എന്സിപിയിലേക്കില്ലെന്ന് മാണി സി. കാപ്പന്. എന്സിപിയിലേക്ക് മടങ്ങിപ്പോകുമെന്ന വാര്ത്തകള്ക്കാണ് കാപ്പൻ പ്രതികരിച്ചത്. എന്സിപിയിലേക്കില്ലെന്നും യുഡിഎഫ് വിടില്ലെന്നും മാണി സി. കാപ്പന് പറഞ്ഞു. ഇതുമായി ബന്ധപ്പെട്ട് ഒരു ചര്ച്ചയും നടത്തിയിട്ടില്ല.
എന്സിപി ദേശീയ അധ്യക്ഷന് ശരദ് പവാറിനെ കണ്ടിട്ടുണ്ടെന്നത് സത്യമാണ്. ഇന്നും കാണും, നാളെയും കാണും. യുഡിഎഫിനെ ചില പരാതികള് അറിയിച്ചിട്ടുണ്ടെന്നും മാണി സി.കാപ്പന് വ്യക്തമാക്കി.
മാണി സി.കാപ്പന് എന്സിപിയില് മടങ്ങിയെത്തുമെന്നും മന്ത്രിയാകുമെന്നുമായിരുന്നു വാര്ത്തകള്. എന്സിപി സംസ്ഥാന അധ്യക്ഷന് പി.സി.ചാക്കോ മുന്കൈയെടുത്താണ് നീക്കങ്ങളെന്നായിരുന്നു പുറത്ത് വന്ന വിവരം. പി.സി.ചാക്കോ, ശരദ് പവാര് എന്നിവരുമായി പാലാ എംഎല്എ ചര്ച്ച നടത്തിയെന്നും റിപ്പോര്ട്ടുണ്ടായിരുന്നു.
