മൂന്നാര്‍: നെഹ്റു കുടുംബം പരമ്പരാഗത മോഷ്ടാക്കളെന്ന് സിപിഎം ദേവികുളം എംഎല്‍എ എസ്. രാജേന്ദ്രന്‍. നെഹ്റു കുടുംബത്തിലെ അംഗങ്ങളുടെ പേരിനൊപ്പം ഗാന്ധിയുടെ പേരു വന്നത് ചൂണ്ടിക്കാട്ടിയായിരുന്നു രാജേന്ദ്രന്‍റെ വിമര്‍ശനം.
സ്വാതന്ത്ര്യത്തിനു ശേഷമുള്ള ആദ്യ പ്രധാനമന്ത്രിയാണ് ജവഹര്‍ലാല്‍ നെഹ്റു. ഈ പരമ്പരയിൽ ഉള്‍പ്പെട്ടവരാണ് ഇന്ദിര മുതല്‍ രാഹുല്‍, പ്രിയങ്ക വരെയുള്ളവര്‍.
എന്നാല്‍ ഇവരുടെ പേരിനൊപ്പം ഗാന്ധി എങ്ങനെ വന്നു എന്ന് കോണ്‍ഗ്രസ് നേതാക്കള്‍ വ്യക്തമാക്കണം- രാജേന്ദ്രന്‍ പറഞ്ഞു. പാരമ്പര്യമായി മോഷണം നടത്തുന്ന നെഹ്റു കുടുംബം ഗാന്ധിയുടെ പേര് മോഷ്ടിച്ചുവെന്നും അദ്ദേഹം പറഞ്ഞു. സിപിഎം മൂന്നാര്‍ ഏരിയ കമ്മിറ്റി മൂന്നാര്‍ ടൗണില്‍ നടത്തിയ രാഷ്ട്രീയ വിശദീകരണ യോഗത്തിലാണ് രാജേന്ദ്രന്‍ ഈ പരാമര്‍ശങ്ങള്‍ നടത്തിയത്.
