ദില്ലി : നെതര്ലന്ഡ് രാജാവ് വില്യം അലക്സാണ്ടറും രാജ്ഞി മാക്സിമയും അഞ്ച് ദിവസത്തെ സന്ദര്ശനത്തിനായി ഇന്ത്യയിലെത്തി. തിങ്കളാഴ്ച പുലര്ച്ചെ ദില്ലിലെത്തിയ നെതര്ലന്ഡ് രാജാവിനെയും രാജ്ഞിയേയും വിമാനത്താവളത്തില് സ്വീകരിച്ചു. വില്യം അലക്സാണ്ടറുടെ ആദ്യ ഇന്ത്യാ സന്ദര്ശനമാണിത്. ഇന്ത്യയും നെതര്ലന്ഡ്സും തമ്മിലുള്ള ഉഭയകക്ഷി ബന്ധം വ്യാപാരം തുടങ്ങിയ മേഖലകളില് ചര്ച്ചകള് നടക്കും.
കേരളത്തിലും വില്യമും മാക്സിമയും എത്തുന്നുണ്ട്. കൊച്ചിയിലും ആലപ്പുഴയിലുമാണ് സന്ദര്ശനം നടത്തുന്നത്. 17ന് കൊച്ചിയിലും 18 ന് ആലപ്പുഴയിലും സന്ദര്ശനം നടത്തും. നാല്പ്പതംഗ ഡച്ച് മാധ്യമ സംഘവും ഇവര്ക്കൊപ്പമുണ്ടാവും. പ്രളയാനന്തര പുനര്നിര്മാണത്തിനുള്ള ധനസമാഹരണം, സാങ്കേതിക വിദ്യ കൈമാറ്റം തുടങ്ങിയവയുമായി ബന്ധപ്പെട്ട് മുഖ്യമന്ത്രി പിണറായി വിജയന് നെതര്ലന്ഡിലെത്തി ചര്ച്ച നടത്തിയിരുന്നു. രാജാവിനെയും കുടുംബത്തെയും മുഖ്യമന്ത്രി കേരളത്തിലേക്ക് അന്ന് ക്ഷണിച്ചിരുന്നു.