ദില്ലി : ബലാക്കോട്ടിലെ ഭീകര കേന്ദ്രങ്ങള്ക്കുനേരെ ഇന്ത്യ നടത്തിയ വ്യോമാക്രമണത്തെ രാഷ്ട്രീയവത്കരിക്കരുതെന്ന് കേന്ദ്രമന്ത്രി നിതിന് ഗഡ്കരി.
വ്യോമസേനയുടെ നടപടിയെ തെരഞ്ഞെടുപ്പുമായി ബന്ധിപ്പിക്കരുതെന്നും വ്യോമാക്രമണത്തിന്റെ നേട്ടം അവകാശപ്പെടാന് ആര്ക്കും കഴിയില്ലെന്നും അദ്ദേഹം പറഞ്ഞു. രാജ്യസുരക്ഷ പരമ പ്രധാനമാണ്. അതില് രാഷ്ട്രീയം കലര്ത്തുന്നത് ശരിയല്ല.
സൈനികരുടെ രക്തസാക്ഷിത്വത്തില് സംശയം പ്രകടിപ്പിക്കുന്നവര് പാകിസ്ഥാന്റെ ഭാഷയിലാണ് സംസാരിക്കുന്നത്, രാജ്യതാത്പര്യത്തിന് എതിരാണ് അവരുടെ നിലപാട്. രാജ്യസുരക്ഷയുടെ വിഷയം വരുമ്പോള് എല്ലാവരും ഒരേ സ്വരത്തില് സംസാരിക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു.