നെടുങ്കണ്ടം: യുവതിക്കും അമ്മയ്ക്കും അശ്ലീലസന്ദേശങ്ങള് അയച്ച അധ്യാപകന്റെ മൊബൈല് ഫോൺ പരിശോധിച്ചപ്പോള് നഴ്സറി വിദ്യാര്ഥികളുടെ സ്വകാര്യദൃശ്യങ്ങള്. നഴ്സറി സ്കൂള് അധ്യാപകനായ വട്ടപ്പാറ സ്വദേശി ജോജു(27)വിനെ നെടുങ്കണ്ടം പൊലീസ് അറസ്റ്റുചെയ്തു. കുരുന്നുകൾക്ക് മാതൃകയാകേണ്ട അദ്ധ്യാപകനാണ് സമൂഹത്തിന് ഒന്നടങ്കം നാണക്കേട് ഉണ്ടാക്കിയിരിക്കുന്നത്. മറ്റൊരു സംസ്ഥാനത്തെ സ്വകാര്യസ്കൂളില് എല്കെജി, യുകെജി വിദ്യാര്ഥികളെയാണ് ഇയാള് പഠിപ്പിച്ചിരുന്നത്. ഇതിനിടെയാണ്, ഇയാളുടെ സഹപാഠിയായ യുവതിക്കും അമ്മയ്ക്കും അശ്ലീലദൃശ്യങ്ങള് അയച്ചെന്ന പരാതി ലഭിച്ചത്.
നാട്ടിലുണ്ടായിരുന്ന ജോജുവിനെ പൊലീസ് സ്റ്റേഷനിലേക്ക് വിളിച്ചുവരുത്തി. ഫോണ് പരിശോധിച്ചപ്പോഴാണ് കുട്ടികളുടെ മുന്നൂറോളം വീഡിയോകളും 180 ചിത്രങ്ങളും കണ്ടെത്തിയത്.ഇയാള് പഠിപ്പിക്കുന്ന കുട്ടികളുടെ സ്വകാര്യദൃശ്യങ്ങളാണ് മൊബൈലില് സൂക്ഷിച്ചിരുന്നത്. പാരാതിപ്പെട്ട യുവതിക്കും മറ്റ് പെണ്കുട്ടികള്ക്കും ഇയാള് അശ്ലീലസന്ദേശങ്ങള് അയച്ചെന്നും പൊലീസ് കണ്ടെത്തിയിട്ടുണ്ട്. പ്രതിയെ കോടതി റിമാന്ഡുചെയ്തു
