തിരുവനന്തപുരം: ക്രിമിനൽ കേസ് പ്രതിയായ ഇൻസ്പെക്ടർ സുനുവിന്റെ ഓൺലൈൻ ഹിയറിംഗ് ഇന്ന് നടത്തും. . പിരിച്ചു വിടൽ നടപടിയുടെ ഭാഗമായിട്ടാണ് ഹിയറിംഗ് നടത്തുന്നത്. നേരിട്ട് ഹാജരാകാൻ ആവശ്യപ്പെട്ട് ഡിജിപി ഇയാൾക്ക് നേരത്തെ നോട്ടീസ് നൽകിയിരുന്നു. പക്ഷെ ആരോഗ്യപ്രശ്നങ്ങൾ പറഞ്ഞ് ഹാജരായിരുന്നില്ല. ആരോഗ്യ പ്രശ്നങ്ങൾ ഉണ്ടെന്നും ചികിത്സയിലാണെന്നും ഹാജരാകാൻ സമയം നീട്ടിനൽകണമെന്നും ആവശ്യപ്പെട്ട് ഇയാൾ മെയിൽ അയച്ചിരുന്നു. എന്നാൽ ഈ ആവശ്യം തള്ളുകയും ഇന്ന് ഓൺലൈനായി ഹിയറിംഗിന് ഹാജരാവാൻ ആവശ്യപ്പെടുകയും ചെയ്തു.
പി.ആർ സുനു നൽകുന്ന വിശദീകരണം തൃപ്തികരമല്ലെങ്കിൽ ഇയാളെ പിരിച്ചു വിടാൻ ഉത്തരവിറങ്ങും ഒൻപത് ക്രിമിനൽ കേസുകളിൽ പ്രതിയാണ് സുനു. 15 തവണ വകുപ്പുതല നടപടിയും നേരിട്ടിട്ടുണ്ട്. തൃക്കാക്കര ബലാൽസംഗ കേസിൽ ആരോപണ വിധേയനായതോടെ സുനുവിനെ നേരത്തെ സർവ്വീസിൽ നിന്നും സസ്പെൻഡ് ചെയ്തിരുന്നു.
