ദില്ലി : കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് പിന്തുണയുമായി മുതിർന്ന നേതാവും പ്രവര്‍ത്തകസമിതി അംഗവുമായ ഉമ്മന്‍ ചാണ്ടി രംഗത്ത്. ദേശീയ തലത്തിൽ കോൺഗ്രസ് നേരിട്ട തോൽവിക്ക് കാരണം രാഹുൽ ഗാന്ധിയല്ലെന്ന് ഉമ്മൻ ചാണ്ടി പറഞ്ഞു . പാളിച്ചകൾ പരിശോധിച്ച് സംഘടിതമായി പ്രശ്നങ്ങൾ പരിഹരിച്ച് രാഹുലിൻ്റെ നേതൃത്വത്തിൽ തന്നെ മുന്നോട്ട് പോകുമെന്നും അദ്ദേഹം പറഞ്ഞു.
ശബരിമല പരാജയകാരണമായെന്ന് എൽഡിഎഫും ബാലകൃഷ്ണപിള്ളയും വൈകിയാണെങ്കിലും തിരിച്ചറിഞ്ഞെന്നും ഉമ്മന്‍ ചാണ്ടി കൂട്ടിച്ചേർത്തു.
