പൂനെ:വെള്ളിയാഴ്ച പൂനെയിൽ നടന്ന പോപ്പുലർ ഫ്രണ്ട് പ്രതിഷേധ മാർച്ചിൽ പാക്കിസ്ഥാൻ സിന്ദാബാദ് മുദ്രാവാക്യങ്ങൾ ഉയർത്തി.രാജ്യത്തുടനീളമുള്ള റാഡിക്കൽ ഇസ്ലാമിക് സംഘടനയിലെ നൂറിലധികം അംഗങ്ങൾ അറസ്റ്റിലായതിനെത്തുടർന്നാണ് പോപ്പുലർ ഫ്രണ്ട് പ്രതിഷേധ മാർച്ച് സംഘടിപ്പിച്ചത്.സംഘടനയ്‌ക്കെതിരായ രാജ്യവ്യാപകമായ നടപടിയുടെ ഭാഗമായി സെപ്റ്റംബർ 22 ന് എൻ ഐ എ പൂനെയിലെ കോണ്ട്വയിലുള്ള പിഎഫ്ഐ ഓഫീസിൽ പരിശോധന നടത്തിയിരുന്നു.
പല സംസ്ഥാനങ്ങളിലും പിഎഫ്ഐ അംഗങ്ങളെ അറസ്റ്റ് ചെയ്തതിൽ പ്രതിഷേധിച്ച് പൂനെ ജില്ലാ കലക്‌ട്രേറ്റ് ഓഫീസിന് പുറത്ത് പിഎഫ്ഐ അംഗങ്ങൾ തടിച്ചുകൂടി. പ്രതിഷേധത്തിനിടെ പിഎഫ്ഐ അംഗങ്ങൾ ‘പാകിസ്ഥാൻ സിന്ദാബാദ്’ മുദ്രാവാക്യം വിളിഉയർത്തി.ഇന്ത്യാ വിരുദ്ധ മുദ്രാവാക്യം കൂടാതെ, അവർ പ്രതിഷേധത്തിനിടെ ‘അല്ലാഹു അക്ബർ’, ‘നാരാ ഇ തക്ബീർ’ തുടങ്ങിയ ഇസ്ലാമിക മുദ്രാവാക്യങ്ങളും മുഴക്കിയിരുന്നു.പ്രതിഷേധത്തെ തുടർന്ന് 41 പ്രതിഷേധക്കാരെ പോലീസ് കസ്റ്റഡിയിലെടുക്കുകയും പോലീസ് വാഹനങ്ങളിൽ സ്ഥലത്ത് നിന്ന് കൊണ്ടുപോവുകയും ചെയ്തു.
ജില്ലാ കളക്ടറുടെ ഓഫീസിന് മുന്നിൽ അനധികൃതമായി ഒത്തുകൂടിയതിന് 60-70 പേർക്കെതിരെ പൂനെ പോലീസ് കേസെടുത്തു. പ്രതിഷേധത്തിന് പിഎഫ്ഐ മുൻകൂർ അനുമതി വാങ്ങിയിട്ടില്ലാത്തതിനാൽ ഇത് അനധികൃത ഒത്തുചേരലാണെന്ന് പൂനെ പോലീസ് പറഞ്ഞു.
ഇന്നലെ കസ്റ്റഡിയിലെടുത്ത 41 പേർ ഉൾപ്പെടെ 60 ലധികം പേർക്കെതിരെ അനുമതിയില്ലാതെ പ്രതിഷേധം സംഘടിപ്പിച്ചതിനും നിയമവിരുദ്ധമായി സംഘം ചേർന്നതിനും റോഡ് തടഞ്ഞതിനും കേസ് രജിസ്റ്റർ ചെയ്തിട്ടുണ്ടെന്ന് ”ബണ്ട്ഗാർഡൻ പോലീസ് സ്റ്റേഷനിലെ സീനിയർ ഇൻസ്പെക്ടർ പ്രതാപ് മങ്കർ അറിയിച്ചു .
പ്രതിഷേധം സംഘടിപ്പിക്കരുതെന്ന് പോലീസ് നേരത്തെ സംഘാടകരോട് ആവശ്യപ്പെട്ടിരുന്നെങ്കിലും അവർ മുന്നോട്ട് പോകുകയായിരുന്നുവെന്ന് അദ്ദേഹം അറിയിച്ചു.
