തിരുവനന്തപുരം:ഈ മാസം 28നാണ് ഇന്ത്യ- ദക്ഷിണാഫ്രിക്ക ടി20 മത്സര൦.മത്സരത്തിനായി ഗ്രീന്ഫീല്ഡ് സ്റ്റേഡിയ൦ ഒരുങ്ങിക്കഴിഞ്ഞു.
മത്സരത്തിനു വേണ്ടി കാര്യവട്ടം ഗ്രീന്ഫീല്ഡ് സ്പോര്ട്സ് ഹബ്ബില് തയാറാക്കിയ വിക്കറ്റുകള് ബിസിസിഐ ക്യൂറേറ്റര് പരിശോധിച്ചു.
കര്ണാടക ക്രിക്കറ്റ് അസോസിയേഷന്റെ ചീഫ് ക്യൂറേറ്ററും ബിസിസിഐ ക്യൂറേറ്റര്മാരുടെ എലൈറ്റ് പാനല് അംഗവുമായ പ്രശാന്ത് റാവുവാണ് പിച്ച് പരിശോധിക്കാനെത്തിയത്. ഗ്രീന്ഫീല്ഡില് തയാറാക്കിയിട്ടുള്ള വിക്കറ്റുകളില് അദ്ദേഹം സംതൃപ്തി രേഖപ്പെടുത്തി. കേരള ക്രിക്കറ്റ് അസോസിയേഷന്റെ ക്യൂറേറ്റര് ബിജു എ എമ്മിന്റെ നേതൃത്വത്തില് 10 വിക്കറ്റുകളാണ് സ്റ്റേഡിയത്തില് ഒരുക്കിയിട്ടുള്ളത്. വിക്കറ്റുകളും ഔട്ട് ഫീല്ഡും മത്സരത്തിനു സജ്ജമാണ്.