ദില്ലി: ഒപ്പം പബ്ജി കളിച്ച് ഇന്ത്യൻ യുവാവുമായി പ്രണയത്തിലാവുകയും യാത്രാരേഖകളൊന്നുമില്ലാതെ നേപ്പാൾ വഴി അനധികൃതമായി ഇന്ത്യയിലേക്കെത്തിയ സീമാ ഹൈദറിനെ കുറിച്ചുള്ള വാർത്തകൾ നിലയ്ക്കുന്നില്ല. ജൂലൈ നാലിനാണ് രാജ്യത്തിനകത്ത് അനധികൃതമായി താമസിച്ചതിന്റെ പേരിൽ സീമയെ പോലീസ് അറസ്റ്റ് ചെയ്തത്. പിന്നീട് ഗ്രെയ്റ്റർ നോയിഡ കോടതി സീമയ്ക്ക് ജാമ്യം അനുവദിച്ചെങ്കിലും . സീമയ്ക്ക് പാക് സൈന്യവുമായി ബന്ധമുണ്ടെന്ന വാർത്തകളാണ് ഇപ്പോൾ പുറത്തുവരുന്നത്. ഉത്തർപ്രദേശ് പോലീസിന്റെ ഭീകര വിരുദ്ധ വിഭാഗത്തിനാണ് ഇതുസംബന്ധിച്ച നിർണ്ണായകമായ തെളിവുകൾ ലഭിച്ചത്. സീമയുടെ സഹോദരൻ പാക് സൈനിക ഉദ്യോഗസ്ഥനാണെന്നും എന്നാൽ അയാളുടെ റാങ്കോ ഡിപ്പാർട്ട്മെന്റോ ചുമതലയോ അറിയില്ല എന്നാണ് സീമ നൽകുന്ന മൊഴി. കഴിഞ്ഞ ദിവസം ഇതുമായി ബന്ധപ്പെട്ട് പോലീസ് സീമയെ ചോദ്യം ചെയ്തിരുന്നു. സീമയുടെ മൊഴി പോലീസ് പൂർണ്ണമായി വിശ്വസിച്ചിട്ടില്ലെന്നും വിശദമായ അന്വേഷണം നടക്കുകയാണെന്നുമാണ് സൂചന.
ഗ്രെയ്റ്റർ നോയിഡ സ്വദേശി സച്ചിൻ മീണയെ വിവാഹം കഴിക്കാനായിരുന്നു സീമ പാകിസ്ഥാനിൽ നിന്ന് നേപ്പാൾ അതിർത്തി വഴി ഇന്ത്യയിലെത്തിയത്. വാർത്ത വ്യാപിച്ചതോടെ പാകിസ്ഥാനിലെ ചില ഭീകര സംഘടനകൾ സീമയെ തിരിച്ച് പാകിസ്ഥാന് കൈമാറണമെന്നും അതിനു തയ്യാറായില്ലെങ്കിൽ പാകിസ്ഥാനിലെ ക്ഷേത്രങ്ങൾ തകർക്കുമെന്നും ഭീഷണി മുഴക്കിയിരുന്നു. തുടർന്ന് സിന്ധിലെ കാഷ്‌മോറിൽ ഒരു ഹിന്ദു ക്ഷേത്രം “റോക്കറ്റ് ലോഞ്ചറുകൾ” ഭീകരർ ആക്രമിച്ച് തകർത്തിരുന്നു. സീമയെ പാകിസ്ഥാന് കൈമാറിയില്ലെങ്കിൽ എല്ലാ ഹിന്ദു ക്ഷേത്രങ്ങളും തകർക്കുമെന്ന് ഭീഷണി മുഴക്കുകയും ചെയ്തിരുന്നു
