ഇന്ത്യയെ തകർക്കാനുള്ള പാകിസ്ഥാന്റെ ശ്രമം വിഫലം;സംഘത്തിലെ ഭീകരനെ രഹസ്യാന്വേഷണ സംഘം പിടികൂടി

ശ്രീനഗർ :-ഇന്ത്യലേക്ക് മയക്കുമരുന്ന് കടത്തുന്ന സംഘത്തിലെ ഭീകരനെ രഹസ്യാന്വേഷണസംഘം പിടികൂടി . കൈവശം വച്ചിരുന്ന ലഹരിവസ്തുക്കളും ആയുധങ്ങളും പിടിച്ചെടുത്തു. പാകിസ്ഥാനിൽ നിന്നും ഇന്ത്യയിലേക്ക് മയക്കുമരുന്നുകൾ കടത്തുന്ന ഭീകര സംഘടന തലവൻ മുഹമ്മദ് ഇക്ബാലിനെയാണ് ജമ്മു കശ്മീർ രഹസ്യസംഘം പിടികൂടിയത്. ഏജൻസിക്ക് ലഭിച്ച രഹസ്യ വിവരത്തെ തുടർന്ന് ഹിമാചൽ പ്രദേശിലെ ഒളിത്താവളത്തിൽ നിന്നും പിടികൂടുകയായിരുന്നു. പൂഞ്ച് അതിർത്തിയിലൂടെ മയക്കുമരുന്ന് കടത്തുകയായിരുന്നു ഇവയുടെ ഉദ്ദേശം. കഴിഞ്ഞ കുറച്ചു ദിവസങ്ങളായി ഉദ്യോഗസ്‌ഥർ ഇവരെ പിടിക്കാനുള്ള ശ്രമത്തിലായിരുന്നു. കൂടെയുള്ള നാല് ഭീകരരെ നേരെത്തെ പിടികൂടിയിരുന്നു. ഒടുവിൽ ഏറ്റുമുട്ടലിനൊടുവിലാണ് ഭീകരുടെ തലവനെ കീഴടക്കാൻ സാധിച്ചത്.

നേരെത്തെ നടന്ന ഏറ്റുമുട്ടലിൽ ഭീകരനും ഒരു അന്വേഷണ ഉദ്യോഗസ്ഥനും പരിക്ക് ഏറ്റിരുന്നു. തുടർന്നുള്ള വിശദമായ ഏറ്റുമുട്ടലിലാണ് ഭീകരർ മുഹമ്മദ് ഇക്ബാലിന്റെ പേര് വെളിപ്പെടുത്തിയത്. രാജ്യത്തെ യുവതയെ ലക്ഷ്യമിട്ടു കൊണ്ടാണ് ഇവരുടെ ഭീകര പ്രവർത്തനം. യുവാക്കളെ മയക്കുമരുന്നിന്റെ അടിമകളാക്കി കുറ്റകൃത്യങ്ങൾക്കും ഭീകര പ്രവർത്തനങ്ങൾക്കും ഉപയോഗിക്കും. അത് വഴി രാജ്യത്തിന്റെ സുരക്ഷ നശിപ്പിക്കണം. കഴിഞ്ഞ കുറെ നാളുകളായി മയക്കുമരുന്നിന്റെ പ്രഭാവം കൂടിയ സാഹചര്യവും അതിന്റെ സ്രോതസ്സും കണ്ടെത്താൻ ശ്രമങ്ങൾ നടക്കുന്നുണ്ട്. ഭീകര തലവന്റെ രഹസ്യ താവളത്തിൽ നിന്നും മയക്കുമരുന്നും ആയുധങ്ങളും കണ്ടെത്താൻ സാധിച്ചു .