തിരുവനന്തപുരം: പ്ലസ് ടു പരീക്ഷാഫലം പ്രഖ്യാപിച്ചു. 82.95% വിജയമാണ് ഇത്തവണയുണ്ടായിരിക്കുന്നത്. അതെ സമയം കഴിഞ്ഞവർഷത്തെ അപേക്ഷിച്ച് വിജയശതമാനത്തിൽ കുറവ് 0.92% കുറവുണ്ടായിട്ടുണ്ട്. 83.87% ആയിരുന്നു കഴിഞ്ഞ വർഷത്തെ വിജയശതമാനമനം. ഹയർസെക്കൻഡറി റഗുലർ വിഭാഗത്തിൽ 376135 വിദ്യാർഥികൾ പരീക്ഷ എഴുതിയതില് 312005 പേർ ഉപരിപഠനത്തിന് യോഗ്യത നേടി. 77 സ്കൂളുകൾ 100 ശതമാനം വിജയം സ്വന്തമാക്കി. സേ പരീക്ഷകൾ ജൂൺ 21 മുതൽ. സയൻസ് വിഭാഗത്തിൽ 87.31 ശതമാനവും ഹ്യുമാനിറ്റിസ് വിഭാഗത്തിൽ 71.93 ശതമാനവും കൊമേഴ്സ് വിഭാഗത്തിൽ 82.75%. ശതമാനവുമാണ് വിജയശതമാനം.
സയൻസ് വിഭാഗത്തിൽ 193544 പേർ പരീക്ഷ എഴുതിയതിൽ 168975പേരും ഹ്യുമാനിറ്റീസ് വിഭാഗത്തിൽ 74482പേർ പരീക്ഷ എഴുതിയതിൽ 53575 പേരും കൊമേഴ്സ് വിഭാഗത്തിൽ 100879 പേർ പരീക്ഷ എഴുതിയതിൽ 89455 പേരും ഉപരിപഠനത്തിന് അർഹത നേടി. എല്ലാ വിഷയത്തിനും എ പ്ലസ് നേടിയത് 33,815 വിദ്യാർഥികളാണ്, കൂടുതൽ മലപ്പുറത്ത്. വിജയശതമാനം കൂടുതൽ എറണാകുളം ജില്ലയിൽ– 87.55%, കുറവ് പത്തനംതിട്ട ജില്ല– 76.59%.
വൊക്കേഷനൽ ഹയർ സെക്കൻഡറിയിൽ 28495 പേർ പരീക്ഷ എഴുതിയതിൽ 22338 പേർ ഉപരിപഠനത്തിന് യോഗ്യത നേടി. 78.39% വിജയം. കഴിഞ്ഞ തവണ 78.26%. ഇത്തവണ 0.13% കൂടുതൽ വിജയമാണുണ്ടായിരിക്കുന്നത്. സയൻസിൽ 78.76 ശതമാനവും, ഹ്യുമാനിറ്റീസിൽ 71.75 ശതമാനവും കൊമേഴ്സിൽ 77.76 ശതമാനവും വിജയം.
വൈകുന്നേരം 4 മണി മുതൽ താഴെ കൊടുത്തിട്ടുള്ള വെബ്സൈറ്റുകളിലും മൊബൈൽ ആപ്ലിക്കേഷനുകളിലും ഫലം ലഭ്യമാകും. വിദ്യാഭ്യാസ മന്ത്രി വി.ശിവൻകുട്ടിയാണ് ഫലം പ്രഖ്യാപിച്ചത്. :
www.keralaresults.nic.in, www.prd.kerala.gov.in, www.result.kerala.gov.in, www.examresults.kerala.gov.in, www.results.kite.kerala.gov.in
മൊബൈൽ ആപ്പുകൾ : SAPHALAM 2023, iExaMS – Kerala, PRD Live
